Usafi na Mazingira

1.Utangulizi

Idara ya Usafi na Mazingira ni miongoni mwa Idara 13 katika Halmashauri ya wilaya ya Chalinze.Majukumu ya Idara hii ni kusimamia utunzaji/Uhifadhi wa Mazingira na Bioanuari, udhibiti wa uchafuzi wa Mazingira (Ardhi, maji, hewa na sauti, na kusimamia usafirishaji na ukusanyaji wa taka ngumu kutoka kwenye ,majengo, maeneo ya wazi, barabara na mifereji ya kuondoa maji ya mvua.

2. Vitengo na kazi zake

i.    Hifadhi ya Mazingira

a)    Kutenga maeneo ya upandaji wa miti, majani, maua,ukatiaji wa miti na upendeshaji wa mazingira.

b)    Kuhamasisha jamii kushiriki kupanda miti, majani,  maua ukatiaji wa miti na upendeshaji wa mazingir.

c)    Kuandaa na kufuatilia utekelezaji wa mipango ya halmashauri ya usimamizi wa mazingira kwa kuzingatia mpango kazi wa Taifa na usimamizi wa Mazingira.

d)    Kusimamia utekelezaji wa sera ,sheria na miongozo ya kulinda mazingira.

e)    Kuandaa taarifa ya hali ya mazingira.

f)    Kusimamia utunzaji wa vyanzo vya maji kwa kudhibiti utekelezaji wa shughuli yoyote inayoweza kuleta athari.

g)    Kutoa elimu ya hifadhi endelevu ya bioanuari.

h)    Kuweka na kusimamia mikakati ya kuongoa ardhi iliyoharibiwa na kuzuia uharibifu wa bioanuai.

i)    Kuhamasisha matumizi yateknolojia ya nishaji mbadala pamoja na majiko banifu.

ii.    Udhibiti uchafuzi wa Mazingira( Ardhi, maji, hewa na sauti)

a)    Kutoa elimu kwa jamii kuhusu njia bora za kudhibiti uchafuzi wa mazingira.

b)    Kuweka na kusimamia amri za kudhibiti uchafuzi wa Mazingira

c)    Kufuatilia uzingatiaji wa viwango vilivyowekwa vya majitaka yanayomwagwa kwenyemazingira ili kukidhi viwango vya mazingira

d)    Kufuatilia na kutathmini athari za uchafuzi wa mazingira katika makazi, viwanda, migodi, ujenzi, biashara, kilimo, na ufugaji.

iii.    Tathmini ya atahri kwa   mazingira

a)    Kufuatilia utekelezaji wa utaratibu wa tathmini ya athari kwa mazingira.

b)    Kufuatilia utekelezaji wa mpango na masharti ya tathmini ya athari kwa mazingira kwa kila mradi uliofanyiwa tathmini hiyo.

c)    Kuratibu utekelezaji wa kazi za kamati za mazingira na kamati za kudumu za halmashauri.

iv.    Udhibiti wa taka ngumu.

a)    Kusimamia uhifadhi wa muda,uchambuzi na usafirishaji wa taka ngumu.

b)    Kusimamia uendeshaji wa dampo.

c)    Kusimamia taka kuanzia zinapozalishwa hadi zinapotupwa kwa kuzingatia utenganishaji, ukusanyaji na uhifadhi, urejelezaji, uteketezaji katika matanuru maalumu na utupaji katika madampo.

d)    Kufanya tafiti ili kubaini aina ya taka zinazozalishwa.

3.Hitimisho.

Idara inashirikiana na jamii na wadau mbalimbali ili kuhakikisha Mazingira  yanatunzwa kwa faida ya sasa na vizazi vijavyo. Shughuli na miradi zinaendeshwa kwa kuzingatia hifadhi ya mazingira. Rasilimali  katika shughuli za kijamii na kiuchumi zinatumika kwa njia ambayo ni endelevu.