Agizo la serikali kuhusu Usafi wa mazingira latekelezwa kwa vitendo Chalinze

Imewekwa: October 28th, 2018

Kwa mujibu wa maagizo ya serikali ya awamu ya tano,yaliyotolewa na Mheshimiwa Rais wa Jamhuri ya Muungano wa Tanzania,Dkt John Pombe Magufuli,baada ya kuwa ameingia madarakani,aliwataka watanzania wote kushiriki katika usafi wa mazingira kila Jumamosi ya mwisho wa mwezi na agizo linaendelea kitekelezwa kwa vitendo.

Katika Jumamosi ya mwisho ya mwezi Oktoba wananchi wa halmashauri ya wilaya ya Chalinze wametekeleza agizo hili kwa kushiriki kufanya usafi katika maeneo mbalimbali wakiongozwa na wakuu wa Idara na vitengo wa halmashauri, Kwa mujibu wa Mkuu wa Idara ya Usafi na Mazingira Bi Zuraika Kundya alieleza kuwa usafi wa mazingira unafanyika katika maeneo mbalimbali ndani ya halmashauri ya Chalinze na Idara imeweka utaratibu wa kuhakikisha kuwa zoezi linatekelezeka kwa umakini,aliendelea kufafanua kuwa maeneo ambayo usafi umefanyika ni eneo la soko la Chalinze,barabara ya kwenda Morogoro,eneo la kituo cha Afya Chalinze na kijiji cha Msata.

Hata hivyo mwandishi wa Habari kutoka Ofisi ya Habari ya halmashauri alitembelea maeneo yaliyoainishwa kufanyiwa usafi na kukuta shughuli zikiendelea katika maeneo mbalimbali ya mji wa Chalinze. Aidha mwandishi alikutana na malalamiko kutoka kwa wafanyabiashara wadogo wa mbogamboga na matunda wakilaumu baadhi ya wafanyabiashara wa maduka kutoshiriki kufanya usafi kinyume na maelekezo ya serikali.

Mwandishi wa Habari hii alipowasiliana na Mkuu wa Idara ya usafi na mazingira kuhusu malalamiko hayo,Mkuu wa Idara alikiri kupokea malalamiko hayo na kusema analifanyia kazi ikiwa ni pamoja na kuwachukulia hatua za kisheria kwa wanaopuuza maagizo ya serikali. Bi Zuraika Kundya alifafanua .