Baraza la Madiwani Robo ya Kwanza kwa mwaka 2022/2023 lafanyika.

Imewekwa: November 11th, 2022

Mkutano wa Baraza la Madiwani kwa robo ya Kwanza 2022/2023 umefanyika leo katika Ukumbi wa Jakaya Kikwete na kuhudhuriwa na wageni waalikwa na wananchi kwa ujumla.

Mkutano huo wa wazi umeongozwa na Mwenyekiti wa Halmashauri ya wilaya ya Chalinze Mheshimiwa Hassani Mwinyikondo,katika Mkutano huo Wakuu wa Taasisi mbalimbali zinazojitegemea kama TARURA,DAWASA,RUWASA na TANESCO waliwasilisha taarifa mbalimbali za utekelezaji wa Taasisi zao katika Mkutano wa wa Madiwani na kupokelewa.

Mwenyekiti wa Halmashauri aliwapongeza wakuu wa Taasisi hizo kwa kuonyesha ushirikiano katika utekelezaji wa masuala mbalimbali yanayohusu huduma kwa jamii na kuwaomba waendelee kufanya kazi kwa kushirikiana na Halmashauri ili kuondoa kero na malalamiko yanayoweza kutokea endapo hapatakuwa na ushirikiano.

Baada ya kupokea taarifa za Taasisi wezeshi zinazofanya kazi na Halmashauri,Mwenyekiti wa Mkutano huo aliwakaribisha wenyeviti wa kamati za kudumu za Halmashauri kwa maana ya Kamati ya Uchumi, Ujenzi na Mazingira,Kamati ya Afya,Elimu na Maji na Kamati ya Fedha,Uongozi na Mipango ili kuwasilisha taarifa za Utekelezaji kwa robo ya kwanza ya mwaka wa fedha 2022/2023.

Baada ya uwasilishaji wa taarifa za utekelezaji wa miradi mbalimbali ya Maendeleo kwa robo ya kwanza,kwa kauli moja wajumbe wa Baraza la Madiwani walipokea taarifa hizo pasipo Mabadiliko yoyote.

Mwenyekiti wa Halmashauri katika hotuba yake ya kufunga Mkutano wa Baraza la Madiwani aliwapongeza Madiwani kwa kazi nzuri wanazozifanya katika kuwaletea Maendeleo wananchi wa Chalinze na kuwashukuru kwa umakini wao katika vikao vya kamati za kudumu kwani kutokana na umakini huo wameweza kutumia muda katika uwasilishaji wa taarifa zao.

“Tumemaliza kikao chetu cha robo ya kwanza tuendelee Kusimamia miradi yetu ya Maendeleo katika kata zetu na palipo na changamoto tuwasiliane kwa ufumbuzi pasipo kuchelewa na niwatakie kila la Kheri katika Majukumu yenu.” Mwinyikondo alisema.