Chalinze DC yafanya Baraza la Kata Robo ya Pili

Imewekwa: February 18th, 2022

Halmashauri ya Wilaya ya Chalinze imefanya kikao cha baraza la kata la robo ya pili kwa mwaka wa fedha2021/2022 ikiwa dhumuni la baraza hilo ni kupokea taarifa za maendeleo kutoka katika kila kata zilizopo ndani ya Halmashauri ya Wilaya ya Chalinze mkoani Pwani.

Mara baada ya kupokelewa kwa taarifa za kata kutoka kwa madiwani wote,Mwenyekiti wa Halmashauri ya Chalinze Mhe. Rajabu Mwinyikondo 

“dhamira yetu ni kuona Halmashauuri yetu inakusanya inakusanya mapato ya Shilingi Bilioni 1.5 kwa mwezi ikiwa kama  tutafanya kazi kwa kushirikiana na kila mmoja akitimiza majukumu yake na kuwa na lengo la kuisaidia serikali ya Tanzania kwa kufanya kazi kwa bidii na kwa kufuata kanuni na taratibu.”Alisema Mhe. Mwinyikondo.

Vilevile Mhe. Mwinyikondo ameongeza kwa kuwaasa maafisa Tarafa na Watendaaji wa kata kuwapa ushirikiano madiwani na watendaji wa Halmashauri ili kuona mapato yanakusanywa kwa ufanisi na kuondoa mianya ambayo inasababisha kukosekana kwa mapato katika Halmashauri.

Aidha Katibu tawala Wilaya ya Bagamoyo Bi. Casilida Mgeni ambaye ni mwakilishi wa Mkuu wa Wilaya ya Bagamoyo ametoa hotuba fupi na ameipongeza Halmashauri ya Chalinze kupitia kwa mwenyekiti wake kwa kusimamia vyema suala la ukusanyaji wa mapato na uanzishwaji wa vyanzo vipya vya mapato.

“Niwapongeze Halmashauri ya Chalinze kupitia kwa Mwenyekiti Mhe. Hassan Mwinyikondo kwa kuongoza jitihada kwa kuhakikisha mapato ya Chalinze yanapanda kwasababu kutoka kukusanya Milioni 778 mwezi disemba mpaka kukusanya Bilioni 1 mwezi mmefanya kazi kubwa na mnastahili kupongezwa  na naomba kwaniaba ya Mkuu wa Wilaya niseme tu muendelee na jitihada hizo na muendelee kufichua vyanzo vingine vya mapato na  sisi kama Wilaya tumepata taarifa kuwa matokeo ya fedha nyingi mwezi januari   ni kutokan na ziara yako Mheshimiwa Mwenyekiti kupita kwenye vyanzo vya mapato na kuendelea kufichua vyanzo ambavyo vimejificha”.Amesema Bi. Kasilida Mgeni

 Vilevile kwaniaba ya Chama Cha Mapinduzi (CCM) Mwenyekiti wa Chama Wilaya ya Bagamoyo Ndg.Sharifu ametoa nasaha za Chama kwa kuhimiza ushirikiano na ufanisi katika kazi ili kufikia malengo ya Ilani ya Chama ambapo alisema  

“Tunaomba ushirikiano uendelee kwasababu panapo maendeleo changamoto hazikosekani na naomba ushirikiano baina ya madiwani,wataalamu na watendaji kata uweze kuendelea kwa kuhakikisha shughuli za Halmashauri na ukusanyaji wa mapato unafanyika kwa ufanisi mkubwa ili .kuona sekta zote zinafanikiwa na kufikia malengo kulingan na ilani yetu ya Chama Cha Mapinduzi”. Alisema Ndg. Sharifu