DC Okash awafunda watendaji wa Serikali Chalinze na kuwapa maelekezo

Imewekwa: March 28th, 2023

Mkuu wa Wilaya ya Bagamoyo Mhe.Halima Okash amefanya kikao kazi na Maafisa Tarafa,Watendaji Kata na Vijiji wa Halmashauri ya Wilaya ya Chalinze kwa lengo la kuwapa mikakati na Kusikiliza changamoto wanazokutana nazo katika kutimiza majukumu yao ya kuwahudumia wananchi.

Katika kikao kazi hicho Mhe.Okash na amewataka Maafisa hao kufanya kazi kwa bidii ili kumsaidia Rais wa Jamhuri ya Muungano wa Tanzania kufikia malengo ya kuiletea maendeleo Chalinze na Taifa kwa ujumla.

“Nendeni mkafanye kazi kwa bidii ili tuweze kumsaidia Mhe. Rais Samia Ruluhu Hassan ili kufikia malengo katika kuiletea maendeleo Halmashauri yetu naTanzania kwa ujumla”.Amesema Mhe. Okash.

Aidha Mhe.Okash ametoa maagizo mbalimbali ambayo watendaji wanatakiwa kuyatekeleza maramoja katika maeneo yao ya kiutendaji ikwemo kuandaa taarifa za kila wiki,kufanya mikutano ya hadhara na Wananchi,kutatua migogoro ya wakulima na wafugaji,kusimamia Miradi,kusimamai masuala upingaji wa ya ukatili wa kijinsia pamoja na kusimama uchangiaji wa Chakula na utoro Mashuleni pamoja na kuwa mstari wa mbele katika kusimamia mapato ya Halmashauri yasopote..

Hata hivyo Mkuu wa Wilaya huyo amesema kuwa ili kuendana na teknolojia ya utumaji wa taarifa Maafisa Tarafa na Watendaji Kata kwa awamu ya Kwanza watanunuliwa vishikwambi na Baadae Watendaji wa Vijiji pamoja na baadhi ya vitendea kazi  vya ofisi ili kuweza kuongeza ufanisi katika kazi.

Nae Mkurugenzi Mtendaji wa Halmashauri ya Wilaya ya Chalinze Ndg.Ramadhani Possi amewashukuru na amewaomba Maafisa na Watendaji hao kufanya kazi kwa ushirikiano

“Niwashukuru sana hasa katika kufanya kazi na kutimiza wajibu wenu na niwaombe kuendelea kuonesha ushirikiano baina yenu na Ofisi yangu ili kufikia malengo ambayo tumejiwekea kama Halmashauri ili kuiletea yetu maendeleo”.Amesema Ndg. Possi

Kwa niaba ya Maafisa na Watendaji hao Afisa Tarafa ya Chalinze Ndg.Mollel amemshukuru Mhe.Okash kwa hatua alizozichukua za kufanya kikao kazi na Maafisa na Watendaji hao pamoja na ahadi ya ununuzi wa Vitendea kazi kwani imewapa Moyo wa kuendelea kufanya kazi kwa bidii.