DC Okash awataka wananchi wa Mnindi kuachana na Migogoro ya Mipaka

Imewekwa: February 2nd, 2024

Mkuu wa wilaya ya Bagamoyo amewataka Wananchi wa Kijiji cha Mnindi kuachana na Migogoro kati ya kijiji na kijiji ilihali wananchi wote wa wilaya ya Bagamoyo ni watanzania wote wanahitaji kuishi kwa amani na upendo ili kuondokna na chuki zisizokuwa na amani na pengine kusababisha ubaguzi.

DC Okash ametoa rai hiyo leo hii alipokuwa akisikiliza kero za wananchi katika kijiji cha Mnindi kata ya Vigwaza na kutoa ufumbuzi wa kero hizo. Okash amewataka wananchi kufanya manunuzi ya ardhi kwa kuzingatia Sheria taratibu na kanuni wanapotaka kununua au kuuza ardhi. Mkuu wa wilaya alisisitiza kuwa ununuzi wa ardhi usifanywe kwa kushirikisha ofisi za vijiji na vitongoji bali watumie ofisi za Halmashauri idara ya ardhi ili,kuwa na uhakika juu ya ardhi unayonunua au kuuza ili kuepuka migogoro isiyokuwa na sababu.

Aidha Okash amewakumbusha wananchi wa Kijiji cha Mnindi kujiandaa na Uchaguzi wa Serikali za mitaa utakaofanyika mwaka huu wa 2024 na kuwatakia maandalizi mema katika shughuli hiyo muhimu ya kitaifa.