Divisheni ya Elimu Sekondari yafanya kikao kazi Chalinze

Imewekwa: February 19th, 2024

Divisheni ya Elimu Sekondari katika Halmashauri ya wilaya ya Chalinze imefanya kikao kazi kufanya tathmini ya utendaji kazi ikiwa ni pamoja na kufanya tathmi ya matokeo ya kidato cha pili na cha nne kwa mwaka 2023 ili kuweka mikakati mbalimbali katika kuboresha utendaji kazi ili kufikia Malengo ya utendaji kazi(Key Performance Indicators).

Kikao hicho kimefanyika leo katika ukumbi wa Jakaya Kikwete na kuhusisha Maafisa Elimu Kata,Wakuu wa Shule za Sekondari za Serikali na binafsi na walimu wa Taaluma katika Shule zote za Sekondari katika Halmashauri ya Chalinze.

Akiwasilisha taarifa ya utendaji kazi Afisa Elimu wilaya ya Chalinze,Bi Salama Ndyetabura alieleza mafanikio na Changamoto mbalimbali zinazoikabili Divisheni ya Elimu Sekondari,ameishukuru Halmashauri ya Wilaya kwa kuweza kujenga maabara kwa baadhi ya Shule za Sekondari katika Halmashauri ya Chalinze.

Afisa Elimu Sekondari,ametoa pongezi kwa wakuu wa Shule kwa usimamizi bora wa usimamizi wa miradi kwa kumpongeza Mkuu wa Shule Changalikwa Mwl Benasian Ituja kwa Kusimamia ujenzi wa Shule mpya ya Sekondari ya Mbwewe kwa kuisimamia kwa weledi na maarifa hata kutotengeneza hoja yoyote ya ukaguzi.

Kwa upande wake Mkurugenzi Mtendaji wa Halmashauri ya Chalinze Bwana Ramadhani Possi ametoa pongezi za dhati kwa walimu wote wa Sekondari,Maafisa Elimu na Maafisa kata kwa jinsi wanavyofanya kazi kwa weledi na uadilifu katika kutoa maarifa kwa watoto wa Taifa hili. Possi aliwapongeza kitaaluma kwa matokeo mazuri ya kidato cha nne na cha pili kwa mwaka 2023.

Aidha Mkurugenzi Mtendaji wa Halmashauri amewasisitiza watendaji wa kata kushirikiana na walimu ili kuhakikisha kuwa wanafunzi wote wanalifaulu kuingia kidato cha kwanza kuripoti kwa wakati na kuweza kuendelea na masomo.