Dkt Kalugila aiasa Jamii kuacha kutumia kemikali,sabuni na manukato sehemu za siri kuepuka magonjwa mbalimbali kama fangasi

Imewekwa: July 8th, 2024

Jamii imeaswa kutokutumia bidhaa zenye  kemikali kama sabuni,manukato na vileo hususani sehemu za siri ili kutunza afya zao na kuwa na utaratibu wakuvaa nguo zilizotengenezwa kwa malighafi ya pamba pia zisizo tunza joto litakalopelekea unyevu mwilini ili kuepukana na magonjwa mbalimbali ikiwemo fangasi sehemu za siri kwa mwanamke.

Dkt  Philemoni Kalugila ameyasema hayo  leo Julai 02 ,2024 alipokuwa akifanya mahojiano na kituo cha Chalinze fm kwenye kipindi cha Gumzo leo kinachoruka Jumatatu hadi Ijumaa kuanzia saa 04:00 asubuhi hadi saa 07:00 mchana kwa lengo la kutoa elimu ya afya kwa jamii. 

Aidha Dkt Kalugila  amesema fangasi ni vijiumbe wanaopatikana kwenye mwili wa binadamu kuanzia kwenye mdomo hadi njia ya haja kubwa katika  uwiano mzuri na kwa mazingira ya ukeni fangasi aina ya vaginal candidiasis katika kundi la fangasi wanaoitwa candida albicans wanapokuwa kwa wingi ndio huleta shida mwilini na kusema kuwa wenye changamoto ya ugonjwa wa kisukari wanapaswa kudhibiti mazingira ya sukari mwilini inayopeleleka bakteria kuzaliana kwa wingi ili kupunguza uwezekano wa tatizo la fangasi kujirudia.

Vile vile Dkt Philemoni ametaja mazingira yanayopelekea tatizo hilo ni kupungua kwa kinga za mwili zinazosababishwa na  maradhi kama HIV,tb na matumizi holela ya dawa kama antibiotic, steroids kwa watu waliopandikizwa viungio,wenye aleji zinazoshusha kinga za na kusisitiza kwa na utunzaji wa uke kwa kusafisha kwa maji safi na kutokutumia  sabuni,manukato wala pombe kali  kwa kuweka ukeni na kwenye njia ya haja kubwa hususani kwa baadhi ya vijana na wanafunzi ili asiweze kusikika wanatoa harufu ya pombe mdomoni wa kutumia inapelekea kubadili mazingira na fangasi wanazaliana kwa wingi na kuleta adhari na kuleta ugonjwa,mabadiliko ya homoni katika mwili,

Akizitaja dalili kuu za fangasi sehemu za siri kwa mwanamke Dkt Philemon amesema ni pamoja na kuhisi kuwashwa,kuwa na hali ya ukavu sehemu za siri kutokwa na vidonda,kutokwa na uchafu mweupe ulioganda kama maziwa,kupata maumivu wakati wa  haja ndogo na pia wakati wa kushiriki tendo la ndoa.Pia amewashauri  wanaoshiriki mapenzi kwa njia ya mdomo na kuacha mara moja ili kuepukana  kupata maambukizi ya magonjwa kwani si njia salama.

Sanjari na hayo Dkt Kalugila ametaja madhara mtu anayoweza kuyapata  ni changamoto  kwenye viungo vya uzazi mfumo wa uzazi na ametoa wito kwa jamii kujitokeza  kwa wingi kwenye vituo vya afya na Hospitali zilizo karibu nao ili kupima na kuanza tiba mara moja pindi wanapokutwa na changamoto za kiafya.

Pia Dkt  Kalugila ametaja  faida za fangasi mwilini  ni kuleta ulinzi na wanapozaliana kwa wingi ndio husababisha  ugonjwa na kusema kuwa takwimu  zinaonyesha asilimia 70% wanawake wamewahi kuugua fangasi kwenye maisha walau mara moja katika kipindi cha maisha yao na 50% wamewahi kuugua walau mara mbili pia  wajawzito hukumwa na changamoto hiyo kutokana na mabadiliko makubwa ya homoni na umri hasa walio katika hatari ya kupata ugonjwa huu ni kati ya miaka 15 hadi 49.

Daktari ametoa wito kwa jamii wito kuwa na mazoea ya kununua bidhaa zenye ubora na sehemu zinazo aminika ili kuendelea kutunza afya zao pia kutokukaa  na na kuvaa nguo zenye unyevunyevu ukeni mara baada ya kutoka kuogelea au kufanya mazoezi.