Halmashauri ya Chalinze inatekeleza agizo la serikali kwa kuendelea kutoa Chakula shuleni

Imewekwa: March 10th, 2023

Halmashauri ya Wilaya ya Chalinze Mkoani Pwani  kupitia kitengo cha Lishe yaendelea kutekeleza agizo la ulaji mashuleni kwa wanafunzi wote ikiwa ni agizo kutoka Serikalini.

Akizungumza kwaniaba ya Mganga Mkuu wa Wilaya Afisa Lishe wa Halmashauri Bi.Zainabu Waziri wakati wa ziara ya kukagua namna shule zinavyotekeleza agizo la watoto kula shuleni  amesema kuwa ziara hiyo imelenga kuangalia agizo hilo kama linatekelezwa katika shule zote.

“Hii leo tumefika katika shule ya Msingi Bwilingu A kwa lengo la kuhakikisha agizo la watoto kula mshuleni linatekelezwa na bahati nzuri agizo linatekelezwa kwa ufanisi kwani nimekagua I kweli watoto wanakunywa uji wenye thamani kwa maana unawekwa mafuta,mbogamboga na maziwa kidogo na kwakweli niwapongeze wazazi ambao wananchangia watoto wao wanakula shuleni”.Amesema Bi. Zainabu.

Aidha Bi Zainabu amesema kuwa ameridhishwa na namna ambayo usafi unazaingatiwa katika kuandaa chakula lakini pia uwepo wa maji safi na salama ambayo yanawasaidia watoto  hao kuanza kunawa mikono kabla ya kwenda kupata chakula lakini pia usafi wa vyombo vyao.

Nae mwalimu wa Afya wa shule ya Msingi  Bwilingu A Mwl. Mwanaasha Mbaga ameshukuru uanzishwaji wa utaoji wa Vyakula shuleni kwani hapo awali walipata  changamoto kwa watoto katika utoro na kutokuelewa darasani kwasababu ya njaa lakini toka kuanza kwa agizo hilo kumesaidia suala la utoro kupungua kwa kiasi kikubwa.

Nae Salma Sumaye ambaye ni mwanafunzi wa Shule ya Msingi Bwilingu A amefurahia namna ambavyo wanapewa chakula shuleni  kwani kunawasaidia  wanafunzi wengi kuwa na nguvu ya kusoma kwa muda pamoja na kupunguza utoro.