Halmashauri ya Chalinze yakabidhiwa Vifaa tiba (X-Ray,Jokofu la kuhifadhia maiti).

Imewekwa: September 29th, 2021

Halmashauri ya Wilaya aya Chalinze imekabidhiwa vifaa tiba ikiwemo mashine ya “X-Ray” pamoja na Jokofu la kuhifadhia maiti lenye uwezo wa kuchukua miili sita kutoka Wizar ya Afya. .

Akizungumza kwa niaba ya wananchi wa Jimbo la Chalinze , mbunge wa jimbo hilo Mhe. Ridhiwani Kikwete

“Leo tumepokea vifaa tiba ikiwemo mashine ya kupiga picha za mionzi na jokofu la kuhifadhia maiti ikiwa ni matokeo ya ziara ya Naibu Waziri wa Afya  Mhe. Godwin Mollel ambayo aliifanya wiki mbili zilizopita na leo hii tumeshuhudia Serikali ya Rais wetu Mhe. Samia Suluhu Hassan ikitekeleza ahadi yake kwa vitendo, tunamsukuru sana Rais wetu kwa kuendelea kujali maisha ya Watanzania na kuona afya ya msingi inapatikana katika maeneo yaliokaribu na kupunguza adha kwa wakazi wa Chalinze kutafuta huduma hizo mbali na Chalinze”. Alisema Mhe. Ridhiwani Kikwete (Mb)

Nae Mkurugenzi Mtendaji wa Halmashauri ya Wilaya ya Chalinze Ndg. Ramadhan Possi aliongezea kwa kuishukuru serikali ya Jamhuri ya Muungano wa Tanzania pamoja na kueleza nia kwa namna gani watapata wataalamu wa kuendesha vifaa hivyo.

“Kwanza tunaishukuru Serikali yetu ya Jamhuri ya Muungano wa Tanzania kwa kutupatia vifaa hivi na pia Lengo la vifaa hivi ni kuwahudumia wananchi wa Chalinze kwasababu ilikuwa ni adha kwa wananchi wa Chalinze kupata huduma ya “X-Ray” na kwa upande wa wataalamu tumejipanga kupata wataalamu kutoka wizara ya Afya lakini pia tumetenga kiasi cha shilingi Milioni 40 kwaajili ya kutoa mafunzo kwa wataalamu wa ndani ya Halmashauri ikiwa ni pamoja na uadilifu wa kujua thamani ya vifaa ”. Alisema Ndg. Ramadhan Possi.

Aidha Diwani wa kata ya Msoga Mhe. Hassan Mwinyikondo ameishukuru serikali kwa jitihada zake za kuwakomboa wananchi wa Chalinze.

“ Kwaniaba ya Wananchi wa kata ya Msoga tunaishukuru sana Serikali kwani itatukomboa sana kwani mwanzoni tulikuwa tunatumia Hospitali ya Tumbi-Kibaha kupata huduma ya “X-Ray”lakini leo tumepokea mashine hii ambayo itatusaidia kupunguza kutumia gharama nyingi kwenda kupata huduma hiyo nje ya Chalinze”. Alisema  Mhe. Mwinyikondo.

Halmashauri ya Wilaya ya Chalinze imepokea vifaa hivyo ikiwa ni ahadi ya Naibu Waziri wa Afya  Mhe. Godwin Mollel ambayo aliahidi vifaaa hivyo alipofanya ziara ya Kikazi katika Hospitali ya Wilaya Msoga-Chalinze wiki mbili zilizopita