Halmashauri ya wilaya ya Chalinze yashirikiana na Taasisi mbalimbali kufanya usafi wa Mazingira

Imewekwa: February 25th, 2023

Halmashauri ya Wilaya ya Chalinze kwa kushirikiana na taasisi mbalimbali zilizopo katika Halmashauri hiyo kufanya kapmpeni ya usafi ikiwa ni kutekeleza kauli ya Rais wa Jamhuri ya Muungano wa Tanzania Mhe Samia Suluhu Hassan ya kufanya usafi kila ifikapo jumamosi ya mwisho wa mwezi kwa lengo la kuweka mazingira safi na salama ili kuepukana na magonjwa ya mlipuko.

Kwa ushirikiano huo Mkuu wa kitengo cha Usafi na Mazingira Nd.Jackson Mwakapugi amesema kuwa wamezialika taasisi mbalimbali katika kampeni hiyo ili kujenga ushirikiano katika utunzaji wa mazingira ndani ya Halmashauri hiyo.

"Tumezialika taasisi na vyombo vya ulinzi ili tuweze kushirikiana katika kufanya usafi na kutunza mazingira kwa pamoja ili kuweza kuiweka Halmashauri yetu kuwa na mazingira mazuri."Amesema Mwakapugi.

Aidha Ndg.Mwakapugi amezishukuru taasisi hizo za DAWASA na Jeshi la Polisi pamoja na wananchi kwa kushiriki katika kampeni hiyo kwani wameonesha ushirikiano wa hali ya juu katika kutunza mazingira kuwa safi.

Aidhaa Mkuu wa Kituo cha Polisi Chalinze Reutenant Onesmo Kipanga ametoa wito kwa wananchi wa Halmashauri ya Wilaya ya Chalinze kuwa na mazoea ya kujumuika katika shughuli za kijamii kama hizi za usafi.

"Sisi kama Jeshi la Polisi tumeshiriki katika kampeni hii ya usafi pamoja na taasisi mbalimbali kwani kwa kufanya hivi tutauweka mji wetu katika mazingira mazuri"amesema Re.Kipanga.

Vilivile nipende kutoa wito kwa wananchi wote wa Halmashauri ya Wilaya ya Chalinze kushiriki katika kujumuika kufanya usafi kwani usafi ni afya na tukiwa na tabia ya kufanya usafi tutaepukana na magonjwa mbalimbali ya mlipuko na pia ni tabia ya binadamu kuwa msafi yeye na mazingira" aliongeza Re.Kipanga.

Nae Afisa Rasilimali watu wa DAWASA chalinze Ndg.Katavo Peter amewataka wananchi wote kuwa na tabia ya kuitikia wito wa Serikali hasa wa ufanyaji usafi kwani ili mazingira yawe safi basi kila mmojawapo ashiriki kikamilifu.

kampeni hii ya usafi wa mazingira hufanyika kila jumamosi ya mwisho wa mwezi na kwa Halmashauri ya Wilaya ya Chalinze zoezi hilo hufanyika katika maeneo mbalimbali ya kata zote 15 za Halmashauri ya Wilaya ya Chalinze.