Kamati ndogo TANESCO yajifunza matumizi ya forced Account Halmashauri ya Chalinze.

Imewekwa: October 21st, 2021

Kamati ndogo kutoka TANESCO Makao Makuu iliopewa jukumu la kusimamia ujenzi wa miradi mbalimbali wamefanya ziara Halmashauri ya Wilaya ya Chalinze kwa lengo la kujifunza ni kwa namna gani Halmashauri ya Wilaya ya Chalinze imefanikiwa kwenye matumizi ya “force Account” katika kutekeleza miradi mbalimbali.

Akizungumza hii leo mwenyekiti wa kamati hiyo kutoka TANESCO Makao makuu Mhandisi: Yusuph S. Kitivo ameelezea lengo la ziara hiyo katika Halmashauri ya Chalinze na kutoa pongezi kwa Halmashauri kwa namna inavyotumia vyema fedha zake katika utekelezaji wa miradi kwa kutumia force account, Kamati hiyo imehidi kufuata nyayo za Halmashauri hiyo katika kutekeleza miradi mbalimbali inayohusisha shirika Tanzu la TANESCO.

“ Tumekuja kujifunza ni namna gani mnatekeleza miradi yenu kwa kutumia njia ya force account ili nasi tuishauri menejimenti yetu ili tuweze kufanya hizi kazi kwa kutumia Force Account, hii leo  tumejifunza mengi na tumeona majengo yenu yakiwa na ubora ambapo mwanzoni tulikuwa na wasiwasi kwamba majengo yenu yanajengwa kwa gharama ndogo labda yanaweza kua hayana ubora, lakini tumeona majengo yenu yana ubora mkubwa na yamejengwa kwa kutumia gharama ndogo sana na leo tumejifunza taratibu zenu mnazozitumia nasi tunakwenda kuishauri management tuzitumie kwa ajili ya kuijenga  TANESCO”.

Aidha Afisa Mipango Takwimu na Ufuatiliaji(w) Ndg. Shabani Milao alitoa shukrani kwa kamati hiyo  Kwaniaba ya Mkurugenzi Mtendaji wa Halmashauri ya Wilaya ya Chalinze na kuwaomba kuwasemea kwa taasisi nyingine kuwa Halmashauri inawakaribisha kuja kujifunza katika Halmashauri ya Wilaya ya Chalinze.

“ Kwaniaba ya Mkurugenzi niwashukuru ndugu zetu wa TANESCO kwa ujio wao leo kwani tumepata faraja sana kwani mara nyingi mtu anapofanya kazi hajioni na leo mmeona kazi tunayoifanya na pia niwakaribishe siku nyingine tena na sisi tutakuja kujifunza kwenu lakini pia mkatusemee kwa taasisi nyingine tunawakaribisha kuja kujifunza katika Halmashauri yetu”.

Ziara hiyo ni muendelezo wa ziara za kujifunza zinazoendelea kufanyika katika Halmashauri ya Wilaya ya Chalinze na taasisi mbalimbali.

Afisa Mipango, Takwimu na Ufatiliaji (W) Ndugu: Shabani K Millao(Aliye vaa Suti) Akiwaongoza Wajumbe wa Kamati ndogo ya  Usimamizi wa Miradi  Toka Tanesco Makao makuu