Kamati ya fedha utawala na Mipango yakagua miradi ya maendeleo Chalinze

Imewekwa: April 15th, 2019

Kamati ya fedha Utawala na Mipango ya halmashauri ya Wilaya ya Chalinze leo               imefanya ziara ya kukagua utekelezaji wa miradi ya maendeleo kwa robo ya Tatu ya mwaka wa Fedha 2018/2019,ziara hiyo iliyoongozwa na mwenyekiti wa halmashauri Mheshimwa Saidi Zikatimu na Mkurugenzi Mtendaji wa halmashauri ya Wilaya ya Chalinze Bi Amina Kiwanuka, katika ziara hiyo wajumbe wameweza kukagua kizuia cha mapato katika kijiji cha Kihangaiko Kata ya Msata ambacho ni suluhisho wa wote waliotumia barabara ya Msata Kihangaiko ili kukwepa kulipa ushuru mbalimbali unaotokana na madini ya kokoto,Ujenzi wa jengo la mionzi katika hospitali ya wilaya ya Chalinze iliyopo katika kijiji cha Msoga Kata Msoga ujenzi unaotarajiwa kuondoa kero za wananchi wa halmashauri ya Chalinze za kukosa huduma ya mionzi kwa wagonjwa wenye uhitaji wa huduma hiyo,ujenzi wa vyumba sita vya madarasa katika shule ya Sekondari ya Mdaula iliyopo katika Kata ya Bwilingu ujenzi huu umetekelezwa kwa ubora wa hali ya juu na unaozingatia thamani halisi ya fedha na ubora wa majengo wajumbe wameupongeza uongozi wa shule kwa usimamizi bora  ,vyumba hivyo vya madarasa vimejengwa kwa fedha ya Mapato ya ndani ya halmashauri kiasi cha shilingi milioni 120.

     Aidha kamati ya fedha Utawala na Mipango iliweza pia kukagua ujenzi wa ofisi ya halmashauri inayojengwa katika Mamlaka Ya Mji Mdogo Chalinze kitongoji cha Bwilingu. Katika Ukaguzi wa ujenzi huo unaotekelezwa na wakala wa majengo Tanzania,wajumbe wa kamati hawakufurahishwa na hali ya ujenzi wa ofisi hiyo kwani wakala wa majengo wako nyuma ya wakati ukilinganisha na makubaliano kwa mujibu wa mkataba.     Kwa upande wake Mkurugenzi Mtendaji wa halmashauri ya Chalinze Bi Amina Kiwanuka aliwaomba wajumbe wa kamati ya fedha na Utawala kuvuta subira kwani menejimenti ya halmashauri ya Chalinze itakaa hivi karibuni na kuleta mapendekezo katika vikao vya Madiwani na hatua za kuchukua kwa mujibu wa sheria za mkataba na hatimaye kufikia maamuzi ya pamoja kama halmashauri.     Naye Mwenyekiti wa halmashauri ya Wilaya ya Chalinze Mhe Saidi Zikatimu aliwataka wataalamu kuchukua hatua haraka iwezekanavyo ili baraza lake la Madiwani waweze kulijadili suala hili na kufikia uamuzi ulio sahihi kwa maslahi ya halmashauri na wananchi kwa ujumla.