Kamati ya Huduma za Jamii yasisitiza utoaji wa huduma za mama na mtoto bure Chalinze

Imewekwa: July 17th, 2024

Mwenyekiti wa Halmashauri ya Chalinze Mh Hassan Mwinyikondo amesema Mabango yanayoonesha huduma za afya yanatakiwa kuonekana na kusomeka kwa urahisi katika vituo vyote vya kutolea huduma za afya ili kupunguza manung’uniko kwa Wananchi,

Ameyasema hayo akiwa na Kamati ya Afya ,Elimu na Maji ambayo imekagua miradi ya afya ikiwemo mradi wa jengo la kuhifadhia Maiti Hospitali ya Msoga ,Duka la Dawa la Jamii ,kituo cha afya cha Chalinze na mradi wa Shule ya Msingi Pera ili kuangalia uendelevu wake katika kipindi cha robo mwaka Fedha 2024/2025.

Aidha amesema kuwa huduma za Mama na Mtoto ni bure hivyo kuweka Mabango hayo kutamuwezesha Mwananchi kurahisisha ufutatiliaji wake wa Matibabu lakini pia itapunguza usumbufu kwa kiasi kikubwa na kuondoa foleni isiyo ya lazima.

Sanjari na hayo Mh mwinyikondo ametoa pole kwa Familia na Majeruhi 40 wa ajali ya Gari iliyotokea eneo la Mwidu na kusema kuwa Halmashauri itaangalia kwa ukaribu hali za majeruhi hao kwa kipindi chote cha matibabu

Kadhalika Diwani kata ya Msata  Mh Selestin Semiono amewashauri Wananchi hasa wakina Mama kutoa taarifa kwa Viongozi wao pindi wanapodaiwa kulipia huduma ambazo zimeelekezwa kutolewa bure ikiwemo huduma ya Mama na Mtoto.

Katika kuendeleza utekelezaji wa miradi mbambali Mh mwinyikondo amempongeza Mh Rais Samia Suluhu Hassan pamoja na Serikali kwa ujumla huku akitoa shukrani kwa Mbunge Wa Chalinze Mh .Ridhwani kikwete bila kusahau Waheshimiwa Madiwani ambao wanafanya kazi kwa weredi mkubwa na kusema kuwa ipo haja ya kusalia katika uchaguzi unaofuata.