Kamati ya Mfuko wa Jimbo la Chalinze yakagua miradi ya Maendeleo

Imewekwa: February 24th, 2023

Kamati ya Mfuko wa Jimbo Halamashauri ya Challinze imefanya ziara kukagua miradi mbalimbali inayotekelezwa na mfuko huo 

Kamati hiyo imemshukuru Rais Samia Suluhu Hassan kwa namna anavyotoa fedha za mfuko huo kwenye kila jimbo hapa nchini ambazo zinatekeleza miradi inayotatua kero za wananchi.

Akizungumza wakati wa ziara hiyo kaimu mwenyekiti wa mfuko huo Mhe.Malota Kwaga amesema fedha hizo zimekuwa zikichochea maendeleo ya wananchi kwa kujikita zaidi kutekeleza miradi iliyoanzishwa.

Kwaga amesema, miradi mingi inayotekelezwa na mfuko huo ni ile iliyoibuliwa na wananchi baada ya kuwa na kikwazo cha muda mrefu kwenye maeneo yao.

"Tumshukuru Rais kwa namna anavyowajali wananchi na kuendelea kutoa fedha hizo za mfuko wa jimbo, lakini pia tumpongeze Mbunge wetu Mhe. Ridhiwani Kikwete angeweza kukaa nazo na kufanyia mambo mengine lakini amezileta huku kwa pamoja tunashuhudia kazi yake" amesema.

Awali akizungumza baada ya Kamati hiyo kukagua ujenzi wa maradi wa Zahanati kijiji cha Kwakonje Ramadhani Mkufya ameshukuru kwa fedha za uendelezaji wa ujezi huo ambao umeanzishwa na wananchi.

Ameomba Halmashauri isaidie kukamilisha mradi huo na kuondoa kikwazo kwa wananchi ambao wanatembea km 20 hadi 22 kwenda kufuata huduma za afya. 

Aidha katika kata ya Mkange Diwani wa kata hiyo Mhe. Mohamed Gelegeza ameshukuru Mbunge kuidhinisha fedha kutoka katika mfuko huo kwa ajili ya kujenga vyumba vya madarasa katika shule ya Msingi Kwamakuru ambayo ikikamilisha usajili itaondoa kikwazo cha wanafunzi kutembelea umbali mrefu.

Nae Kaimu Afisa Mipango wa Halmashauri hiyo Ndg. Rugambwa Matui amesema kuwa atafikisha maombi kwa Halmashauri kutenga fedha za ukamilisha miradi ambayo bado ili kuondoa vikwzo kwa wananchi.

Kamati hiyo imekagua mradi wa zahanati Kwakonje kata ya Kibindu, mradi wa vyoo shule ya Msingi Kwang'andu kata ya Mbwewe, mradi wa tanki la maji shule ya Msingi Masimbani kata ya Miono  Mradi wa ujenzi wa vyumba vya madarasa Shule ya Msingi Kwamakuru Kata ya Mkange.

Miradi mingine ni katika Kata ya Mandera na Lugoba ambayo inaendelea kurekelezwa kwa mchango wa fedha za mfuko wa Jimbo.