Kamati za Halmashuari ya Wilaya ya Chalinze zafanya ziara kukagua Miradi mbalimbali.

Imewekwa: October 28th, 2021

Kamati mbalimbali zinazoundwa na Baraza la Madiwani katika Halmashauri ya Wilaya ya Chalinze zimefanya ziara kutembelea miradi mbalimbali  katika kata tofauti zilizopo hiyo

Kati ya Kamati hizo ni Kamati ya Elimu,Afya na Maji ambayo ipo chini ya Mwenyekiti wake Mhe. Juma Mpwimbi Diwani wa kata ya Miono ambapo kamati hiyo ilifanya ziara katika kata ya Kibindu na  kamati ya Uchumi,Ujenzi na Mazingira ambayo inaongozwa na mwenyekiti wa wake Mhe. Hassan Mwinyikondo Diwani wa kata ya Msoga ilifanya ziara yake katika kata ya Bwilingu pamoja na Kamati ya fedha,Uongozi na Mipango inayoongozwa na Kaimu Mwenyekiti wa Halmashauri ya Wilaya ya Chalinze Mh: Ismail Msumi ambaye ni Diwani wa Kata ya Kimange ilifanya ziara yake katika kata ya Bwilingu.

Dhamira ya Kamati hizo ni kutembelea na kukagua miradi mbalimbali iliyopo kwenye kata hizo ikiwepo miradi ya Elimu,Afya na Miundombinu ya maji kwa upande wa kamati ya Elimu,Afya na Maji , Ukaguzi wa miradi inayosimamiwa na kamati ya Uchumi, Ujenzi na Mazingira pamoja na Ukaguzi wa leseni za Biashara inayosimamiwa na kamati ya Fedha, Uongozi na Mipango.

Kamati hizi ni kamati zinazoundwa na Baraza la Madiwani kutoka katika kila Halmashauri kwa lengo la kusimamia na kufuatilia miradi mbalimbali iliyoidhinishwa kutekelezwa katika kipindi cha mwaka wa fedha husika

Pichani ni wajumbe wa kamati ya Uchumi,Ujenzi na Mazingira wakikagua mradi wa ujenzi

wajengo la kupumzikia wagonjwa.

Pichani ni  wajumbe wa  kamati ya Elimu,Afya na Maji wakikagua miradi ya Maendeleo

Pichani wajumbe wa kamati ya fedha,Uongozi na Mipango wakikagua miradi ya Maendeleo