Kampeni ya Msaada wa Kisheria wa Mama Samia yatoa Msaada wa Kisheria Chalinze

Imewekwa: February 25th, 2025

Kampeni ya Msaada wa kisheria ya Mama Samia leo hii imetoa msaada na uelimishaji wa kisheria katika shule ya sekondari ya Chahua katika Halmashauri ya wilaya ya Chalinze. Kampeni hiyo inayoelimisha imejumuisha wanasheria ,wataalam wa Ustawi wa Jamii na maendeleo ya Jamii.

Timu ya Kampeni ya Msaada wa Kisheria ya Mama Samia imetoa elimu ya sheria kwa wanafunzi wa shule ya sekondari ya Chahua  kwa kuwajuza juu ya haki zao za msingi kwa mujibu wa sheria za Tanzania.

Wanafunzi hao wameweza kupata elimu ya sheria kwa kuzifahamu haki zao kama haki ya kuishi,kulindwa,kupata elimu,kupata huduma za kiafya  tangu angali tumboni  mwa mama yake na baada ya kuzaliwa.

Aidha  katika mkutano huo watoto waliweza kuelimishwa madhara yatokanayo na mtoto kutopata haki zake za msingi sanjari na malezi yasiyofaa,ikiwa ni pamoja na kukatizwa kwa ndoto za mtoto kwa kupata magojwa ambayo yanaweza kupelekea kifo.

Hivyo wanafunzi wametakiwa kuwa wawazi na wakweli katika kusema changamoto zinazowakabili kwa ufumbuzi wa changamoto hizo hatimaye watoto kufikia ndoto zao za kimaisha hatimaye watoto hao kuja kuwa wataalam na viongozi wa taifa hili.