Kata ya Bwilingu yafikiwa na Elimu ya Lishe Bora kwa Vitendo

Imewekwa: September 15th, 2022

Idara ya afya kitengo cha lishe bora Halmashauri ya wilaya ya chalinze imeendelea na kampeni yake ya kutoa elimu ya uaandaji na matumizi ya lishe bora kwa kundi la kina mama wenye watoto chini ya miaka 5 na wajawazito katika kituo cha afya chalinze kata ya mbwewe ikiwa ni moja ya sehemu ya kuimarisha afya bora kwa wakazi wa Halmashauri ya Wilaya ya Chalinze.

Akizungumza kwa niaba ya Mganga Mkuu wa wilaya, Afisa Lishe wa Halmashauri ya Wilaya ya Chalinze Bi. Zainabu Waziri ameelezea dhumuni la kutoa elimu hiyo ni kuwaelimisha akina mama juu ya umuhimu wa lishe bora kwa watoto na namna ya kuandaa lishe hiyo na  kuacha tabia ya mazoea.

“Tumekuja kuwaelekeza kina mama jinsi ya kuandaa uji wa watoto na kuacha kuandaa kwa mazoea kwani kina mama wote huandaa uji wa sembe na kuweka chunvi hali inayosababisha watoto kupata utapiamlo hivyo basi tumekuja kuwaelekeza namna ya kuandaa na kuboresha lishe kwa watoto kwa kutumia vyakula vinavyopatikana katika mazingira yao kwamfano mahindi,mafuta,maziwa au mayai au Soya kama hana na pia tumewaelekeza jinsi ya kutumia mbogamboga katika uandaaji wa lishe kwa watoto”.amesema Bi. Zainabu Waziri.

Nae muuguzi katika kituo cha afya chalinze Bi Rebeca Herra amesema kuwa wataendelea kuwaelimisha na kuwakumbusha juu ya elimu ya lishe iliyotolewa kwani ni  muhimu na itawasaidia sana akina mama kuwaatunza watoto wao.

Elimu hii ya lishe iliyotolewa leo ni muhimu sana kwa akina mama kwani itawasaidia sana katika kuwatunza watoto wao kwani wao pia wameshuhudia namna ya uandaaji wa uji huo wa lishe na sisi kama wauguzi wa hapa tutakuwa tunawaelimisha na kuwakumbusha akina mama juu ya uandaaji wa lishe bora kwa watoto wao”.amesema Bi.Herra.

“Nimekuja kituo cha afya chalinze kwaajili ya kliniki ya wajawazito kwa bahati nzuri nimekutana na elimu ya uandaaji wa uji wa lishe ambao unatumia vitu vinavyopatikana katika mazingira yetu hivyo nawaomba akina mama wenzangu wenye watoto na wajawazito nawaomba tuichukue elimu hii na tukaifanyie kazi.” amesema bi.watara kungule.

Elimu hii ya utoaji wa elimu hii ya lishe bora kwawatoto chini ya miaka 5 kwa Halmashauri ya Wilaya ya Chalinze imelenga kuzifikia kata zote 15 katika vituo vya afya na zahanati ili kuweza kupunguza magonjwa ya utapiamlo na kuimarisha hali ya lishe bora kwa watoto.