Kilio cha wananchi wa Kaloleni Chaigusa kamati ya Bunge ya utawala na serikali za mitaa

Imewekwa: March 13th, 2021

Kamati ya kudumu ya bunge ya utawala na serikali za mitaa ikiongonzwa na Mwenyekiti wake Mh. Hamfrey Polepole imefanya ziara leo tarehe 13.03.2021 kijiji cha Kaloleni kilichopo kata ya Ubena Halmashauri ya Chalinze ili kutembelea na kukagua Miradi ya Maendeleo inazotekelevya na mfuko wa maendeleo ya jamii (TASAF)

Akitoa neno la utangulizi Mh. Ridhiwani Kikwete (Mbunge wa jimbo la chalinze) alisema "kama viongozi hatupendi kuwapeleka sehemu zisizokuwa na matatizo tunapenda kuwaleta katika maeneo yenye changamoto ili mtusaidie, kwani kama Halmashauri kuna mambo tuliotekeleza lakini kuma mengine hatujafanikiwa yawezekana kwa sababu ya uwezo wetu kwa hiyo kwa ujio wenu hapa tuna imani mtatusaidia na wananchi wa Kaloleni na Chalinze kwa ujumla watanufaika"

Ni ukweli kua kamati hii imefanyika daraja la Utekelezaji wa majukumu baina ya wananchi na serikali yao mnapokuja kama kamati tunapata nafasi ya kueleza wananchi wanahitaji nini ili myasimamie na kuwanufaisha wananchi wanyonge wakiwemo wa Kaloleni, natambua kua kama kamati mmekua mkizunguka huku na huko kujionea na kukagua mambo ambayo serikali ya awamu ya tano imefanya chini ya uongozi wa Raisi wetu Mpendwa Mh. Dk John Joseph Pombe Magufuli nasi kama Chalinze tukisema tuanze yaelezea kwa kweli ni Mengi sana hatuta yamaliza aliongeza Mh. Kikwete.

Akizungumzia kuhusu wanufaika wa TASAF katika kijiji cha kaloleni Mh.Kikwete alisema "katika kijiji hiki chenye wananchi wasiopungua 1200 wanaoshi katika kaya maskini wasipungua 502 wananchi zaidi ya 218 wamekuwa niwanufaika wa TASAF, pia kupitia miradi mbalimbali wananchi wa kaloleni walijengewa bwawa la maji mwaka 2001 na kukamilika 2007 ambalo lilisaidia wanakaloleni na vijiji vya jirani. Aidha changamoto inayoikumba bwawa hilo ni pampu ya kusukuma maji kwenda kwenye chujio imeharibika na chujio lenye halifanyi kazi kitu kinachosababisa wananchi kukosa maji ya kunywa kwani maji yalitengenezewa mfumo wa moja kwa moja kitu kinachoweza sababisha wananchi kuathirika pale ambapo watayatunia bila ya kupati tiba stahiki, ni imani yangu kuwa ujio wenu tutapata suluhisho la changamoto hizo,

Akijibu hoja za changamoto zilizoainishwa kwenye taarifa ya mradi wa Bwawa la maji Kaloleni iliowasilishwa na Mtendaji wa kijiji Cha kaloleni Mbele ya M/Kiti wa kamati Mh. Polepole. Naibu waziri Ofisi ya Rais menejimenti ya utumishi na Utawala Bora Mh. Deogratius Ndejembi alisema "tumezichua changamoto zote na tutahakikisha tunazipatia ufumbuzi ili Mh. Mbunge ukirudi Kaloleni uje kifua mbele na wananchi wa kaloleni waendelee kuwa na imani na serikali ya na Chama chao ambacho kimeshika Dola. Aidha Mh. Ndejembi aliahidi kurudi tena kaloleni kabla ya tarehe 28.03.2021 ili kujione kama maelekezo yote ya kamati kwa serikali yamefanyiwa kazi kwa kuwa serikali ya awamu ya tano haifanyi kazi kwa maneno bali kwa vitendo.

Nae Mwenyekiti wa Kamati ya kudumu ya bunge ya utawala na serikali za mitaa Mh. Polepole aliwataka wananchi  wairuhusu kamati kwenda na kukagua mradi wa Bwawa la maji ili aje kutoa maelekezo kwa serikali kwa niaba ya wananchi wa Kaloleni.

Akito maelekezo kwa serikali Mh. Polepole alisema kuwa "baada ya kujionea wenyewe eneo la mradi yako mambo ambayo kamati inaiagiza serikali kufanya kwa ajili ya ustawi wa wananchi wa kaloleni na Chalinze kwa ujumla.

1.Kamati itapitisha bajeti ya wizara ili waendelee kuleta fedha ikiwemo kwa wanufaika wa TASAF pamoja na  wananchi wa Kaloleni

2.Kupitia utaratibu wenu wa kujihifadhia fedha na kuanzisha vikundi vyakukopeshana kwa kuwa mmetambua kua hatutaishi miaka yote kwenye TASSAF hivyo Halmashauri ya Chalinze wapatieni mikopo kupitia asilimia 10 ya vijana na kina mama wanavikundi hawa na muwatumie kama shamba darasa kwa wengine kwa kuwaongezea mtaji.

3. Kufuatia ubovu wa mfumo wa maji katika bwawa la Kaloleni TASAF na watendaji wote wanaohusika walekebishe mfumo wa maji katika Bwawa hilo ili yachujwe na yatoke yakiwa meupe safi na salama kwa matumizi ya binadamu na wanufaika wote wa Kaloleni na vijiji vya jirani mnatakiwa kusimamia mradi na  kuutunza ili uwanufaishe kwa muda mrefu.

4. Kwa kua eneo hili pia wapo wakulima kwani tunaona kuna migomba na mazao mengine hivyo sehemu ya kunyweshea mifugo iwe tofauti na sehemu ambapo wakulima wamelima mazao yao ili kutotengeneza migogoro isio ya lazima

Nao wanufaika wa TASAF akiwemo ndugu Juma Adhumani Rashidi aliishukuru Serikali kwa kuwasaidia kama kaya maskini na alisema kuwa kwa kutumia fedha alizopata kupitia TASSAF ameboresha shamba lake la mananasi hivyo ni matumaini yake kuwa hata mara baada ya mradi anaweza kujikimu kimaisha kwa kuwa TASAF imempatia msingi wa maisha kupitia fedha alizopata.