Lions Club ya Dar es salaam yatoa Matibabu bure Chalinze

Imewekwa: December 12th, 2022

Wanachama wa Lions Club ya Dar es Salaam Mzizima wametoa matibabu ya Macho na kutoa miwani bure kwa wananchi wenye uhitaji wa huduma hiyo,Kupima shinikizo la damu na sukari kwa wananchi zaidi ya 2000 katika halmashaur ya Chalinze.

Zoezi la utoaji wa huduma hiyo ya bure kwa wananchi wa Chalinze ilianza kutolewa rasmi tarehe 09/12/2022 hadi tarehe 11/12/2022 katika hospitali ya wilaya ya Msoga.

Wanachama hao waliendesha kambi ya siku nne  katika Hosptali ya Msoga Chalinze kwa kushirikiana na wataalam wa hospitali ya Wilaya Msoga kwa ajili ya kuhudumia wananchi wenye matatizo mbalimbali ya kiafya.

 Kwa kushirikiana na Lions Club ya Dar es Salaam Infinity   pia walitoa zawadi mbalimbali kwa ajili ya  wakina mama waliojifungua,  na wajawazito  walioko katika hosptali hiyo sambamba na kutoa taulo za kike kwa wasichana 70.