Maadhimisho ya kuzaliwa Kwa Rais Mhe. Dkt, Samia Suluhu Hassan Halmashauri ya Chalinze yaungana nae katika upandaji wa miti.

Imewekwa: January 28th, 2026

Katika kuadhimisha siku ya kuzaliwa ya Rais wa Jamhuri ya Muungano wa Tanzania, Mhe. Dkt. Samia Suluhu Hassan, Januari 27, 2026,Halmashauri ya  Wilaya ya Chalinze imeungana na jitihada zake za kuboresha na kuhifadhi mazingira kupitia zoezi la upandaji miti lililofanyika katika Shule ya Amali Msoga.

Zoezi hilo limeongozwa na aliyekuwa Mwenyekiti wa Halmashauri na Diwani wa sasa wa Kata ya Msoga, Mhe. Hassan Rajab Mwinyikondo, ambaye amesisitiza umuhimu wa kuhifadhi na kutunza mazingira kwa manufaa ya kizazi cha sasa na kijacho.

Mhe. Mwinyikondo amesema kuwa jamii haipaswi kuishia kupanda miti pekee, bali ihakikishe inatunzwa ili iweze kukua vizuri na kuacha alama chanya kwa vizazi vijavyo. Aidha, amemshukuru Rais Dkt. Samia Suluhu Hassan kwa kutoa mfano mzuri wa kuonesha umuhimu wa miti katika jamii.

Mwinyikondo amesema kuwa utunzaji wa miti unahusisha pia kuepuka matumizi mabaya ya nishati inayochangia ukataji wa miti, na badala yake kutumia nishati safi ili kulinda mazingira. Pia ametoa rai kwa wananchi kutumia eneo hilo ipasavyo kwa kupanda miti ya matunda kama maembe na mikorosho, hatua itakayosaidia kuinua uchumi na kuwafaidisha wanafunzi wa shule hiyo.

Kwa upande wake, Afisa Misitu kutoka Wakala wa Huduma za Misitu Tanzania (TFS) Robert Mwangosi, amesema jumla ya miche 426 imepandwa huku akieleza  kuwa lengo la zoezi hilo ni kutunza mazingira na kurithisha rasilimali hizo kwa vizazi vijavyo pia amesisitiza kuwa kupanda na kutunza miti ni mchango mkubwa kwa jamii na hifadhi za taifa, sambamba na kaulimbiu isemayo “Tumerithishwa, tuwarithishe.”

Naye Afisa Tarafa wa Msoga Sijaona M. Bugufi, amempongeza Rais kwa juhudi zake za kuhamasisha upandaji miti na kuwataka wananchi kuendeleza umoja waliouonesha wakati wa zoezi hilo kwa kuitunza miti iliyopandwa. Amesisitiza kuwa suala la utunzaji wa mazingira linapaswa kuwa endelevu na si la siku moja, amehitimisha kwa kauli mbiu isemayo “Uzalendo ni Kutunza Mazingira, Tushiriki Kupanda Miti.”

Zoezi hili limehudhuriwa na wananchi mbalimbali wa Kata ya Msoga, likiwa ni ishara ya mshikamano na ushiriki wa jamii katika kumuunga mkono Rais wa Jamhuri ya Mu