MAAFISISA UGANI WAASWA KUCHAPA KAZI NA KUACHA VISINGIZIO

Imewekwa: August 21st, 2017

Mkurugenzi Mtendaji wa Halmashauri ya chalinze akizungumza wakati wa Makabidhiano ya Pikipiki alisema ‘ Nakushukuru Ngugu Mgeni Rasimi Mh. Ridhiwani J Kikwete kwa kutenga moda wako na kuja kukabidhi Vyombo hivi vya usafiri kwa wtaalamu wetu wa Kilimo na Mifugo, Kipekee nitoe witu tu kwa waalam wote ambao watapatiwa Pikipiki hizi waende kufanya kazi ili kuleta tija katika uzalishaji wa Mazao na Uboreshaji wa afya za Mifugo.

Aidha Mkurugenzi Mtendaji wa Halmashauri alisema kuwa hayo yote yamefanyika kwa nia ya kuongeza ufanisi katika utendaji wa Halmashauri. Pia aliahidi kufanya utaratibu wa kutenga bajeti kwa mwaka ujao wa fedha kwa ajili ya kuwanunulia pikipiki Maafisa Watendaji wa Kata. Alisisitiza kuwa Halmashauri ya Chalinze itaongeza katika zoezi la kupiga chapa.

Akisoma Taarifa Mkuu wa kitengo Cha Mifugo Dr Issac Khama alisema ‘Halmashauri ya Wilaya ya Chalinze kupitia Idara ya Mifugo na Uvuvi ilitenga kiasi cha Tsh. 22,500,000/=  kwa ajili ya ununuzi wa pikipiki  10 kwa ajili ya maafisa Ugani wa Mifugo. Ununuzi wa pikipiki hizo ulilenga kufanikisha huduma za ugani ili mifugo pamoja na wafugaji waweze kufikiwa kwa urahisi na kupatiwa huduma kwa wakati. Aidha pikipiki hizo ni awamu ya kwanza tu na awamu ijayo wataalamu waliobaki nao watapatiwa usafiri ili waweze kuhudumia jamii na kuleta ufugaji wenye tija kupata taarifa yote  BOFYA HAPA

Aidha Mgeni Rasimi ambae ni Mbunge a Jimbo la Chalinze alifafanua, mambo ya fuatayo, Aliwashukuru watendaji wa Halmashauri kwa kutii maagizo mbalimbali ambayo hua yanatolewa akizungumza juu ya migogoro ya wafugaji na wakulima na kuwataka Maafisa waacha visingizizo vya kukosa vitendea kazi kwani kwa kukabidhiwa pikipiki hizi wanastahili kufanya kazi

Pikipiki hizo zisaidie katika kusambaza chanjo za mifugo vijijini, Vitendea  kazi hivyo vilenge kazi iliyokusudiwa tu, Vyombo hivyo vitumike kufikisha sera ya ufugaji wa kisasa, Vyombo hivyo vya usafiri vitumike katika kutoa elimu mbalimbali zinazohusu mifugo, Vyombo hivyo vya usafiri vitumike kupiga kampeni ya kupiga chapa ng’ombe ili kuwepo na idadi halisi ya mifugo iliyopigwa chapa katika kila Kata, Maafisa ugani wakahimize utunzaji wa mazingira na kutoa elimu ya kuzuia ukataji miti kwa ajili ya ufufgaji.