MAANDALIZI YA MBIO ZA MWENGE YASHIKA KASI HALMASHAURI YA CHALINZE

Imewekwa: April 11th, 2017

Mkuu wa wilaya ya Bagamoyo mkoani Pwani Mh:  Alhaj  Majid Mwanga amezidua vikao vya maandalizi ya mbio za mwenge wa uhuru katika halmashauri ya Chalinze  tarehe 21/04/2017. Akizungumza katika kikao cha kwanza cha maandalizi ya mbio za mwenge wa uhuru amesema Mkoa wa pwani unatarajia kupokea mwenge wa uhuru siku ya 01.06.2017 nakuzunguka katika halmashauri zote tisa (9) za mkoa wa pwani, Halmashauri ya chalinze mwenge unatarajiwa kufika tarehe 9.06.2017 na ndio itakua halmashauri ya mwisho kwa mkoa wa pwani na kuukabidhi Mwenge wa uhuru mkoa wa Morogoro siku ya tarehe 10.06.2017

Kikao hicho kilihudhuliwa na makatibu tarafa kutoka kata mbalimbali, watendaji wa kata na vijiji, viongozi kutoka taasisi za uma kama vile CHALIWASO, TANESCO, NMB na wakuu wa idara zote kutoka Halmashauri ya Chalinze. Mkuu wa wilaya na wajumbe wote walijadiliana na kuweka mikakati ya kufanikisha ujio wa mwenge wa uhuru katika halmashauri ya Chalinze.

Akizungumza katika kikao hicho Mh:  Alhaj  Majid Mwanga amewatahadharisha wajumbe na viongozi wa halmashauri kutumia ueledi mkubwa katika kuandaa bajeti ili isiwe kubwa sana na kutafsiliwa tofauti na wananchi ukizingatia kua serikari ya awamu ya tano ni serikari ya kubana matumizi.

Aidha Mratibu wa mbio za mwengi halmashauri ya Chalinze Bi Lydia Masenha ambae ni afisa utamaduni wa halmashauri ya Chalinze aliainisha agenda ambazo zitajadiliwa kwenye kikao ni pamoja na kupaga kamati mbalimbali zitakazo shughurikia maswala mbalimbali, kamati hizo ni pamoja na Ulinzi na usalama, Ujenzi na mapambo, usafiri na maradhi, Chakula, sale na zawadi Habari na utamaduni, Risara na ratiba.  

Akizungumza katika kikao hicho mkurugezi wa halmashauri ya Chalinze Mr. Edes Lukoa amewataka wanakamti wote kukutana na kupanga bajeti ambayo watakayo tumia katika kamati yao na katika kikao kinacho fuata kila kamati itatoa bajeti yake ili ijadiliwe na kupitishwa na wajumbe