Madiwani Chalinze waikataa taarifa ya Ujenzi wa Chuo cha Ufundi VETA

Imewekwa: February 24th, 2024

MADIWANI wa Halmashauri ya Chalinze Mkoa wa Pwani wamekataa kupokea taarifa ya ujenzi wa Chuo Cha Ufundi (VETA) kinachojengwa katika  Kijiji Cha Magome kata ya Pera.

Wamekataa taarifa hiyo kwa madai kwamba mradi huo unasuasua huku fedha nyingi zikiwa tayari zinetumika tofauti na ilivyo katika maeneo mengine ambayo yamenufaika na mradi kama huo.

Akizungumza katika kikao cha Baraza la Madiwani kilichofanyika jana Mjini Chalinze Mwenyekiti wa Halmashauri hiyo Hassan Mwinyikondo alitoa maelekezo kwa vyombo vinavyoshighulikq na rushwa kufuatilia maendeleo ya mradi huo.

"Tunaagiza taarifa ikaandaliwe upya  na iletwe kwenye kikao, kuna taarifa ya sh. 300 milioni zinetumika katika ujenzi wa Chuo hiki lakini hata jamvi halijafunikwa hadi sasa,"alisema Mwinyikondo.

Mkuu wa Wilaya ya Bagamoyo Halima Okash akizungumzia suala hilo alisema ushirikiahwaji wa maendeleo ya ujenzi wa Chuo hicho umekuwa ni hafifu huku akieleza kwamba fedha nyingi zinetumika lakini mradi hauonekani.

"Mradi huu uko kwenye Halmashauri yetu na umekuwa ukisuasua fedha zinapokuja inatakiwa zifanye kazi kwa haraka, suala hili nimelipokea na hatua stahiki zitachukuliwa dhidi ya anayehusika pia inatakiwa aandae mazingira Madiwani wakakague mradi huu," alisema Okash.

Mdhibiti ubora wa Shule Halmashauri hiyo ambaye ni msimamizi wa mradi huo Davis Moye akizungumzia kuhusiana na kukataliwa kwa taarifa yake  alisema shughuli za awali za ujenzi zilianza Julai 2023 zikisimamiwa na Mhandisi elekezi Taasisi ya Teknolojia Dar es Salam (DIT).

Moye alisema  baadae kazi hiyo ulishindwa kuendelea kwa muda kutokana na kukosekana kwa majibu ya vipimo vya udongo kazi iliyofanywa na chuo Cha ardhi Dar es Salam hawakuweza kukabidhi ripoti mshauri elekezi DIT jambo lililochelewesha kuanza kwa kazi ya ujenzi.

Kwa mujibu wa msimamizi huyo Juni 29, 2023 walipokea sh. Million 228,942.380 awamu ya kwanza ya fedha za ujenzi na  Septemba 2023 walipokea sh. 7,562.759 Milion kwa ajili ya usimamizi pia Desemba 2023 walipokea kiasi kingine cha sh.95,751,863.01kutoka Wizara ya Elimuna Teknoloji kwa ajili ya hatua nyingine za ujenzi.

Mradi huo ambao ulikadiriwa kukamilika Februari mwaka huu kwasasa ujenzi wake umefikia asilimia 35.44 na hadi kukamilika unatarajia kutumia sh. 1.5 Billion.

Mwisho