Madiwani Chalinze wazungumza na Mkuu wa Mkoa wa Geita na Uongozi wa Halmashauri ya Mji wa Nzega

Imewekwa: November 20th, 2023

Madiwani wa Halmashauri ya wilaya ya Chalinze mkoani Pwani wamefika Ofisi ya Mkuu wa Mkoa wa Geita na kuzungumza naye katika ziara yao ya mafunzo mkoani humo.wakiwa ofisini kwa Mkuu wa mkoa waliweza kupata taarifa ya mkoa kwa ujumla hususan katika suala zima la ukusanyaji mapato.

Mkuu wa Mkoa wa Geita Mheshimiwa Martin Shigela aliwakaribisha Madiwani na wataalam kutoka Chalinze na kuwaeleza uzuri na mafanikio ya Halmashauri ya Mji wa Geita na mkoa wa Geita kwa ujumla. Mkuu wa mkoa aliwaeleza madiwani kuwa chanzo kikuu cha mapato ni madini ya dhahabu ambayo kimsingi yanapatikana katika wilaya nyingi za mkoa huu wa Geita. Chanzo hiki kimekuwa chanzo kikuu ambacho kinaziwezesha Halmashauri nyingi mkoani Geita kujiendesha na kutoa huduma kwa wananchi.

Kwa upande wa Mweka Hazina wa Halmashauri ya Mji wa Geita Bwana Katikilo Kashaija Alieleza bayana kuwa asilimia 60 ya mapato ya Halmashauri ya Mji wa Geita yanatokana na madini na asilimia 40 ya mapato hayo yanapatikana kutokana na vyanzo vingine kama leseni,machinjio,mpira wa miguu ushuru wa huduma na ushuru wa stendi.

Aidha Mweka Hazina wa Halmashauri ya Mji wa Geita alieleza namna Halmashauri inavyopanda katika ukusanyaji wa mapato kwa kila mwaka. Halmashauri ya Mji ilikuwa ikikusanya Bilioni 5 kwa sasa Halmashauri inakusanaya Bilioni 14 kwa mwaka kwa huu wa fedha 2023/2024.

Madiwani na wataalam walipata uzoefu namna ya kukusanya ushuru wa huduma kwa makampuni lakini pia urejeshaji wa mapato kwa jamii yaani Social Corporate Responsibility(SCR). Kwa Kusimamia Sheria zilizopo ili kila mdau atekeleze wajibu wake pasipo kukwepa.

Aidha katika ziara hiyo madiwani walitembelea baadhi ya miradi ya Maendeleo katika Mji wa Geita kama Ujenzi wa uwanja wa mpira unaojengwa kutokana na mapato ya ndani,kituo cha mabasi na soko la dhahabu lililopo katika mji wa Geita na baada ya hapo kikao cha majumuisho kilifanyika.