Mafunzo ya Dunia yangu Bora yafungwa Chalinze

Imewekwa: September 8th, 2022

Mafunzo ya Dunia yangu bora yafungwa rasmi Chalinze 

Kaimu Mkurugenzi wa Halmashauri ya Wilaya ya Chalinze Bi.Salama Ndyetabura hii leo tarehe 8/09/2022 amefunga mafunzo ya siku tatu yalioandaliwa na shirika la CAMFED yanayofahamika kama “Dunia yangu bora.”katika shule ya sekondari Lugoba ambapo mafunzo hayo yamelenga kuwawezesha walimu walezi (Teacher’s Mentor) wanaotoka katika shule zilizopo katika Wilaya mbalimbali za mkoa wa Pwani ili waweze kupata ujuzi na kuweza kuwasimamia waongozaji wa Dunia yangu bora mashuleni.

Bi Ndyetabura amefunga mafunzo hayo ya siku tatu na kuwaasa washiriki wa mafunzo hayo kwenda kuifanyia kazi elimu waliyoipata kutoka kwa wakufunzi na kuwa mstari wa mbele kwa kuonesha mfano kwenye shule wanazotoka washiriki hao.

“Niwaombe mafunzo haya yakawe mafunzo yenye manufaa  na mkawasimamie hawa walimu wanaowasimamia vijana na pia tukawe mstari wa mbele kwenye mafunzo haya na kuonyesha mfano kwenye shule zenu na mara baada ya hapa kila mmoja wenu akaweke mpango kazi na kufanya tathmini kila baada ya muda”. Amesema Bi. Ndyetabula.

Aidha Bi. Salama amewaomba washiriki wa mafunzo hayo kutoyachukulia mafunzo hayo kama msaafu bali wawe wabunifu  kwenye elimu waliyoipata kwenye mafunzo ili waweze kurudisha fadhila kwenye jamii kwani kwa kufanya hivyo kunaweza kusaidia kuokoa hata mtoto mmoja. 

Naye muwezeshaji wa mafunzo hayo yanayofahamika kama Dunia yangu bora Bi,. Fatma Abdul ameelezea lengo kuu lililowafanya kufanya mafunzo hayo kwa walimu ambapo ni pamoja na kuwafanya walimu haokuwa mabalozi wazuri katika shule zao na kuwasimamia waongozaji wa elimu hii ya Dunia yangu bora. 

kuwasidia wanafunzi kujitambua na kujua changamoto zao na kwakifupi ni kujua stadi za maisha ambazo binadamu au mwanafunzi anazipitia katika maisha yake  na hivyo basi kumuwezesha mwalimu wa malezi kupata ujuzi kuhusuiana na elimu hii tunategemea atakuwa ni balozi katika shule yake na kumsimamia muongozaji wa Dunia yangu bora kutimiza majukumu yake.

Vilevile Bi Fatma Abdul amesema kuwa kwa kuwezesha walimu hao kutafanya kuwa faida kwa jamii inayowazunguka pamoja na kuweza kuongeza ufaulu mashuleni ,kupunguza utoro na kupunguza mimba mashuleni

Kuwawezesha walimu walezi katika shule za mkoa wa Pwani ili waweze kupata ujuzi stadi za maisha.

Aidha kwaniaba ya walimu waliohudhuria mafunzo hayo ya takribani wiki moja Mwalimu Christina Nyahuto amefurahishwa na mafunzo hayo na kuahidi kuyafanyia kazi mafunzo hayo kwa vitendo hasa katika kuwahamasisha walimu wenzao na wanafunzi kufuatilia elimu ya Dunia nyangu bora  pindi watakaporudi mashuleni.

“Hivyo tumefurahia mafunzo haya tuliyoyapata tutawaelekeza walimu wenzetu juu ya umuhimu wa muongozaji wa elimu ya Dunia yangu bora shuleni  na vile vile tutawahamasisha wanafunzi kufuatilia elimu hii kwani ina manufaa makubwa na vile vile tumejifunza sera ya ulinzi kwa mtoto na malezi ya metoto kwa ujumla kwamba mtoto ana haki ya kupendwa ,kusikilizwa lakini pia tunapaswa kumjali na kumpa maadili mema”. Amesema mwl. Christina Nyahuto.

Walimu wakiwa katika mafunzo ya Dunia yangu Bora katika Ukumbi wa Shule ya Sekondari Lugoba katika Halmashauri ya Chalinze