Mafunzo ya Shule Bora kwa Walimu yakamilika Chalinze

Imewekwa: December 11th, 2022

Mafunzo ya kujenga ujuzi wa kuibua hadithi za mafanikio katika ufundishaji na ujifunzaji kwa Walimu wa Shule za Msingi yaliyokuwa yakiendelea katika Halmashauri ya Wilaya ya Chalinze kwa takribani siku 11 yamekamilika leo na kufungwa rasmi na Afisa Elimu Awali na Msingi Bi. Miriam Kihiyo.

Mafunzo hayo yanatolewa kwa msaada wa Serikali ya watu wa Uingereza “UKaid”kwa kushirikiana na Serikali ya Tanzania kupitia Wizara ya Elimu Sayansi na Teknolojia na Ofisi ya Rais Tawala za Mikoa na Serikali za Mitaa(TAMISEMI) chini ya Mradi wa SHULE BORA unaotekelezwa katika mikoa tisa ya Tanzania Bara ambayo ni Pwani, Tanga,Dodoma, Singida, Kigoma, Katavi, Simiyu, Mara na Rukwa.

Mafunzo haya yametolewa katika Halmashauri ya Chalinze katika Klasta sita ambazo zimejumuisha jumla ya Shule zote za Msingi 108. Hivyo jumla ya walimu waliopata mafunzo hayo ni 339,mafunzo hayo yalianza rasmi tarehe 01/12/2022 katika kata ya Mbwewe na kukamilika leo tarehe 11/12/2022 katika shule ya Msingi Chalinze kata ya Pera na kufungwa rasmi.