Mashindano Mtu ni Afya kufanyika kata kwa kata Chalinze

Imewekwa: July 19th, 2024

Katika mwendelezo wa kampeni ya Mtu ni Afya Mkuu wa Wilaya ya Bagamoyo Mhe Halima Okash amewataka watendaji kata kusimamia sheria ndogo ndogo katika utunzaji wa mazingira na kuongeza kuwa kutakuwa na ushindanishaji wa kata na kata itakayofanya vizuri itapata zawadi.

ameyasema hayo leo Julai16,2024 katika uwasilishwaji wa taarifa ya kampeni ya mtu ni afya  na afisa mazingira Halmashauri ya Chalinze Jacksoni Mwakapigi iliyofanyika katika ukumbi wa kikwete uliopo katika Ofisi za Halmashuri ya Chalinze.

Pia Mkuu wa Wilaya  ametembelea Soko la Bwilingu na kuhamasisha watumiaji wa soko hilo kusimamia swala zima la usafi.

Aidha Mhe Okash alitembelea Hospitali ya Wilaya ya Msoga kuona ujenzi wa baadhi ya majengo unavyoendelea na uwajibikaji wa watumishi wa Hospitali hiyo.

Mbali na hayo Mhe. Okash ametoa pongezi kwa kituo cha redio Chalinze fm kwa kazi kubwa wanayoifanya ya kuhabarisha umma katika nyanja mbalimbali ikiwemo na urushwaji wa vipidi vya Afya vinavyotoa elimu kwa jamii.

kampeni ya uhamasishaji wa mtu ni afya inafanywa ndani ya Mikoa sita ikiwemo Iringa, Njombe, Kilimanjaro, Manyara na Pwani. Huku kwa Mkoa wa Pwani kampeni hiyo inatarajia kuanza  rasmi Julai, 29  hadi Septemba 28,2024.