Mheshimiwa Kikwete ameishukuru Serikali ya Dkt Samia kwa kutoa vifaa kwa wanafunzi wenye ulemavu Chalinze

Imewekwa: August 21st, 2023

NAIBU Waziri, Ofisi ya Rais Utumishi na Utawala Bora,    Ridhiwani Kikwete, ameishukuru   Serikali ya Rais Dkt.Samia Hassan Suluhu, kutambua na kutoa vifaa mbalimbali vya wanafunzi wenye ulemavu katika halmashauri ya wilaya ya Chalinze              

Akizungumza  leo kwenye hafla maalum ya kukabidhi vitu mbalimbali vya wanafunzi wenye ulemavu, katika shule zilizopo kwenye halmashauri ya Chalinze,alisema vifaa hivyo vitasaidia kutatua changamoto ya ukosefu wa vifaa vya kufundishia katika Shule za wanafunzi wenye mahitaji maalumu ikiwemo walemavu wa macho

"pongezi ziende kwa Rais Dkt Samia Suluhu Hassan, amekuwa akiwajali watoto wenye ulemavu Sana na Leo ametoa vifaa mbalimbali vya kujisomea watoto wetu walemavu wa macho na pia vifaa kama vitimwendo Kwa wale wasio na uwezo wa kutembea"alisema

 "Vifaa vitasaidia wanafunzi wenye ulemevu kuweza kwenda shule kwa wakati na kujisomea kwa wenye tatizo la kutoona na ikizingatiwa hapa tunazo shule Mbunge wa jimbo la Chalinze shule mbili za walemavu ambazo ni Shule ya Msingi Chalinze na Lugoba"alisema

 Aidha naibu waziri huyo aliitaka jamii husasan wazazi na walezi kuacha tabia ya kuwafungia watoto ndani na kuwapeleka katika shule hizo ambazo zitawasaidia kupata elimu Bora itakayo wasaidia katika Maisha Yao ya baadae.

Akizungumza wakati wa makabidhiano hayo, Afisa Elimu Sekondari,

Salama Ndyetabura, alisema wamepokea vifaa vya makundi makuu matatu ambavyo ni vya viziwi, walemavu wa viungo, walemavu wa akili na  walemavu wa ngozi ambavyo  vimetolewa kwa idara zote mbili za Elimu ya Msingi na Sekondari. 

 Aidha alisema jumla ya wanafunzi wenye mahitaji maalumu wa msingi na sekondari ni 695 ambapo sekondari ni 164 na msingi 531 na kwamba changamoto inayowakabili ni ukosefu wa walimu wa mahitaji maalumu ambapo mahitaji ni walimu 60

"Changamoto ni nyingi ambazo ni ukosefu wa walimu wa mahitaji maalumu, bajeti finyu Kwa ajili ya mitihani ya utimilifu, baadhi ya Wazazi kutoona umuhimu wa kuwaleta watoto shuleni,miundombinu isiyokidhi, ukosefu wa vitabu vya kiada na ukosefu wa kitu maalumu cha upimaji"alisema

Wakati huo huo Naibu Waziri huyo, alizindua gari la Zima moto lilinunuliwa na Serikali kwa ajili ya kutoa huduma ya kuzima moto na kuwataka wananchi kutumia vema namba iliyotolewa ya kutoa taarifa na kuacha kufanya mizaha sambamba na kuchukua tahadhari ya kujikinga na majanga hayo.