Mkurugenzi Chalinze akagua utekelezaji wa Miradi ya Maendeleo

Imewekwa: February 26th, 2020

Mkurugenzi Mtendaji wa halmashauri ya wilaya ya Chalinze Bi Amina Kiwanuka amefanya ziara ya kukagua utekelezaji wa miradi mbalimbali ya maendeleo inayotekelezwa katika halmashauri ya Chalinze kutokana na mapato ya ndani yenye thamani ya fedha za kitanzania milioni 405

Bi Kiwanuka amefanya ukaguzi huo akiwa na timu ya wakuu wa Idara katika halmashauri yake,katika ukaguzi huo ameweza kukagua ujenzi wa vyumba vya Madara vinne na ujenzi wa matundu ya vyoo 22 katika shule ya msingi Kiwangwa,ujenzi wa vyumba viwili vya madarasa na tenki la maji katika shule ya sekondari Kiwangwa. Katika ukaguzi huo Mkurugenzi Kiwanuka alizipongeza kamati zinazosimamia ujenzi huo kutokana na ubora wa miradi hiyo.

Pamoja na ukaguzi wa miradi ya Elimu Kiwanuka alikagua ujenzi wa Zahanati katika vijiji vya Mwetemo,Kihangaiko na Kibaoni, ujenzi wa Zahanati hizo uko katika hatua nzuri za umaliziaji, Zahanati hizi zote zinajengwa kwa kutumia mapato ya ndani ya halmashauri.

Mkurugenzi na wataalamu wake walimalizia kwa kukagua ujenzi wa shule mpya ya sekondari ya Rupungwi iliyopo kata ya Mandera, shule hii inajengwa kutokana na na mapato ya ndani ya halmashauri. Ujenzi wa shule hii ni mipango ya halmashauri katika kuondoa kero ya upungufu wa vyumba vya madarasa kutokana na na kuongezeka kwa ufaulu wa wanafunzi kuingia kidato cha kwanza.