Mkurugenzi wa Halmashauri yaChalinze afungua mafunzo ya mfumo wa NeST kwa Watumishi

Imewekwa: September 21st, 2023

         Na John Mlyambate 

Wataalam wa Halmashauri ya wilaya Chalinze wamepatiwa mafunzo ya namna ya kutumia mfumo mpya wa ununuzi “National e-Procurement System of Tanzania (NeST),mfumo huu ulitangazwa rasmi na Mamlaka ya Ununuzi wa Umma (PPRA) tarehe 23,Juni 2023. Mafunzo hayo yamefanyika Leo katika Ukumbi wa Mikutano wa Jakaya Kikwete ili kuwajengea uwezo Wakuu wa Divisheni,Vitengo na Watumishi wote wa Halmashauri kama watumiaji wakuu wa Mfumo huo.

Mafunzo hayo yamezinduliwa rasmi na Mkurugenzi Mtendaji wa Halmashauri ya wilaya ya Chalinze ,Bwana Ramadhani Possi, akizindua mafunzo hayo Possi amewataka Watumishi wote kujifunza namna ya kuutumia mfumo huo kwa weledi wa hali ya juu kwani mfumo huo ni kitendea kazi muhimu katika suala zima la ununuzi katika Taasisi za Umma.

“ Jifunzeni vema na kuufahamu kwa kina mfumo huu mnapokuwa na Shaka juu ya hatua Fulani watumieni wataalam wa Kitengo Cha Ununuzi na Ugavi kuwaelekeza ili muweze kuutumia vema.”

Aidha Mkurugenzi amewataka Watumishi kuanza kuutumia mfumo mara baada ya mafunzo hayo sanjari na maelekezo ya Serikali yanayozitaka Taasisi za Serikali kuanza kuutumia mfumo huo tarehe 1,Oktoba 2023.Mfumo huu utaondoa matumizi ya mfumo wa awali uliofahamika kama Tanzania Electronic Procurement System (TANePS).