Mkutano wa waandishi wa habari wafanyika Pwani

Imewekwa: November 3rd, 2023

Mkurugenzi wa Habari Maelezo na Msemaji Mkuu wa Serikali Ndugu Mobhare Matinyi amefanya Mkutano na Waandishi wa Habari katika Mkoa wa Pwani kwa ajili ya kuzungumza na vyombo vya Habari kwa misingi ya kuwapatia taarifa wananchi juu ya utekelezaji wa miradi mbalimbali ya maendeleo iliyotekelezwa na serikali ya awamu ya sita chini ya Dkt Samia Suluhu Hassan, Rais wa Jamhuri ya Muungano wa Tanzania. Mkutano huo umefanyika katika ukumbi wa mikutano wa Ofisi ya Mkuu wa mkoa wa Pwani.

Katika Mkutano huo wa waandishi wa Habari Mkuu wa Mkoa wa Pwani Alhaji Abubakari Kunenge ameweza kutoa salamu za mkoa kwa kuyasema mafanikio yaliyotekelezwa na Serikali ndani ya mkoa wa Pwani katika sekta mbalimbali kama Afya,Elimu,Kilimo,Mifugo,Miundombinu,Nishati na Maji.

Aidha mafanikio ya Serikali ya awamu ya sita yaliweza kuelezewa na wakurugenzi watendaji wa Mamlaka za Serikali za Mitaa katika mkoa wa Pwani. Wakurugenzi hao wameweza kuzungumza na watanzania kupitia mkutano wa waandishi wa habari kwa kupata fursa ya kuwaeleza na kuwajuza wananchi kwa mafanikio yaliyofikiwa na Serikali ya awamu ya sita kwa halmashauri za Chalinze,Bagamoyo,Kibaha,Kibaha Maji,Mkuranga,Kisarawe,Mafia,Kibiti,na Rufiji.

Katika mkutano huo huo waandishi wa habari kutoka vyombo mbalimbali waliweza kuuliza maswali mbalimbali kwa wakurugenzi kutokana na taarifa walizozitoa ili kuufahamisha umma kwa kina katika kutatua changamoto mbalimbali zinazowakabili wananchi wa mkoa wa Pwani na watanzania kwa ujumla.