Msemaji Mkuu wa Serikali atoa maelekezo Chalinze

Imewekwa: September 12th, 2019

Halmashauri ya wilaya ya Chalinze leo imetembelewa na Mkurugenzi wa Habari Maelezo na Msemaji Mkuu wa Serikali Dkt Hassan Abbasi.

   Katika ziara hiyo Msemaji Mkuu wa serikali amekutana na wakuu wa Idara  na vitengo wa halmashauri na kuwataka kuyatolea ufafanuzi mafanikio ya halmashauri kwa kuwajuza wananchi kuanzia mwanzo wa miradi hatua kwa hatua hadi ukamilifu wake ili kuondoa sintofahamu kwa wananchi kwani kupata taarifa ni haki ya kikatiba ya watanzania.

   Aidha aliwataka wakuu wa idara kutoa taarifa sahihi kwa afisa Habari wa halmashauri ambaye ndiye Msemaji  kwa  ngapi halmashauri  ili aweze kuzichuja na kuzitoa kwa umakini ili kujenga taswira njema kwa taasisi na serikali kwa ujumla..

  Msemaji aliwataka wakuu wa taasisi kuhakikisha vitengo vya mawasiliano vinakuwa na vitendea kazi kama kamera,vinasa sauti,kompyuta mpakato ili maafisa Habari wafanye kazi zao za utoaji Habari kwa ufasaha.

    Dkt  Abbasi alimalizia kwa kuwata wakuu wa idara kama watekelezaji wa ilani kutoa taarifa sahihi kupitia mikutano ya waandishi wa Habari pasipo hofu yoyote kwani lengo ni kuujuza umma juu ya utekelezaji wa Ilani ya Chama cha mapinduzi ili wananchi watambue mafanikio ya serikali ya awamu ya tano chini ya Dkt John Pombe Magufuli.