Mwenyekiti Halmashauri ya Chalinze aagiza kuanza haraka ukarabati wa madarasa yaliothirika na Mvua

Imewekwa: January 19th, 2022

Mwenyekiti wa Halmashauri ya Wilaya ya Chalinze Mhe. Haassan Mwinyikondo amemwagiza Mkurugenzi Mtendaji wa halmashauri ya Chalinze kuanza ukarabati wa madarasa mawili katika shule ya msingi Makombe amabayo yameathirika na mvua yenye upepo mkali.

Ametoa maagizo hayo wakati wa ziara shuleni hapo iliyolenga kupokea ripoti na kujionea athari zilizotokea shuleni hapo ambapo alisema

“ Natoa pole kwa wakazi, walimu na wanafunzi kwa athari iliyojitokeza ya uharibifu wa madarasa haya mawaili na pia ninaomba nikuagize Mkurugenzi kupitia mkandarasi wa halmashauri kuanza kwa haraka ukarabati wa madarasa haya yaliyoathirika ili watoto waendelee kupata elimu kwani dahira ya Rais wetu Mhe:Samia Suluhu Hassan ni kuona watoto wanapata elimu kwa urahisi”. Alisema Mhe:Mwinyikondo.

Aidha Mkurugenzi Mtendaji wa Halmashauri ya Wilaya ya Chalinze Ndg.Ramadhani Possi amaepokea maagizo hayo na kuagiza wataalamu wa ujenzi kuanza kufanya tathmini ya madarasa yaliothirika ili kuanza ukarabati.

“Kwanza nitoe pole kwa waathirika wa madarasa haya na pia nayapokea maelekezo yote yaliyotolewa na Mhe.Mwenyekiti na kuyafanyia kazi na nmuagiza mhandisi kuanza kufanya tathimini ya ukarabati mara moja ili kuanzia kesho tuanze ujenzi haraka ili watotot waendelee kupata elimu.Alisema Ndg.Possi.

Nae Mheshimiwa Diwani wa kata ya Lugoba Mhe.Rehema Mwene ametoa shukrani kwa Halmashauri ya Wilaya ya Chalinze kwa hatua za haraka zinazofanywa za ukarabati wa madarasa hayo.

“Kwaniaba ya wananchi na wakazi wa kijiji cha Makombe nimshukuru Mhe. Mwenyekiti,Mkurugenzi na timu nzima kutoka Halmashauri kwa kutuunga mkono katika janga hili na maamuzi yaliyochukuliwa ya ukarabati wa madarasa haya ni jambo jema kwani yatasaidia watoto wetu kuendelea kujifunza.

Kwa upande wa Mwalimu Mkuu wa Shule ya msingi Makombe Mwl.Norah Mtabwa ametoa  neno la Shukrani kwa Halmashauri ya Chalinze na kutoa ufafanuzi wa jinsi gani wanafunzi ambao madarasa yao yameathiriwa ni namna wanavyoendelea na vipindi ambapo alisema,

“Tumefarijika na ujio wenu na katika shule yetu na hii inaonesha ni namna gani mnatujali na niwashukuru kwa hatua za haraka kama Halmashauri za kukarabati madarasa haya kwa uharaka wake” Alisema Mwl. Norah

Vilevile aliongezea kwa kuto ufafanuzi juu ya wananfunzi ambao madarasa yao yameathirika kwa kusema kuwa wanafunzi hao wanaendelea na vipindi kama kawaida kwa kuwa utaratibu mzuri umepangwa wa kutumia madarasa ambayo wanafunzi wanatoka mapema.

Madarasa hayo mawili katika shule ya Msingi Makombe kata ya Lugoba  yameathiriwa na mvua yenye upepo mkali siku ya jumanne ya tar 18/01/2022.