Mwenyekiti wa Halmashauri afanya kikao na wataalam wa Halmashauri kuhusu utawala bora

Imewekwa: July 6th, 2022

Mwenyekiti wa Halmashauri ya Chalinze Mheshimiwa Hassan Mwinyikondo amekutana leo na wakuu wa Idara na Vitengo vya Halmashauri katika ukumbi wa Halmashauri ili kupeana miongozo ya namna ya uendeshaji Halmashauri kwa kuzingatia Utawala Bora.

Katika kikao hicho Mwenyekiti wa Halmashauri wa  aliwataka wataalamu kuanza mwaka mpya wa fedha kwa kuzingatia sheria,taratibu na kanuni sanjari na utawala bora katika Halmashauri yetu ili kuweza kuendesha halmashauri yetu kwa misingi ya sheria na kutoa huduma bora kwa wananchi.

Katika kikao hicho Mwenyekiti amewataka wajumbe kuwa wabunifu katika kusimamia vyanzo vya mapato katika kukusanya na kufikia malengo ya bajeti kwa mwaka wa fedha 2022/2023.

Naye Mkurugenzi wa Halmashauri aliwataka wataalam kuzingatia sheria ,taratibu na kanuni kwa mujibu wa taaluma zao ili kufikia tija kutokana na maelekezo ya serikali  ili kutoa huduma stahiki kwa wananchi.