Mwenyekiti wa Halmashauri ya Wilaya ya Chalinze Mhe.Hassan Mwinyikondo ameagiza kufunguliwa kwa soko la Miono ambalo limekamilika.

Imewekwa: January 19th, 2022

Mhe. Mwinyikondo ametoa agizo hilo wakati wa ziara ya kikazi katika kata ya Miono kwa lengo la kuona maendeleo ya ukamilikaji wa soko hilo likiwa limekamilika pamoja na choo chake lililotumia mapato ya ndani ya Halmashauri.

“Kwanza naipongeza Halmashauri ya Wilaya Chalinze kupitia Mkurugenzi kwamba maelekezo tuliyoyatoa kwenye kamati yamefanyiwa kazi kwa ujenzi wa soko na choo na tunamshukuru Mkurugenzi na timu yake ya watendaji kwa kukamilisha ujenzi wa soko hili hivyo basi natoa maelekezo hadi kesho soko hili la Miono lianze kufanya kazi ili wafanyabiashara waanze kufanya shughuli zao”.Alisema Mhe. Mwinyikondo.

Aidha Mkurugenzi Mtendaji wa halmashauri ya Wilaya ya Chalinze amepokea maelekezo hayo kutoka kwa Mwenyekiti wa Halmashauri na kuahidi kuyafanyia kazi kwa haraka ambapo alisema,

Tumepokea maelekezo yote yaliyotolewa na Mhe. Mwenyekiti kwa mikono miwili na kuanzia kesho tunaahidi soko hili na choo kitaanza kutumika mara moja na niombe katika tutaanza na kwenye ngazi ya kata na kuwa kesho soko lianze kutumika