Naibu Katibu Mkuu TAMISEMI Akagua Miradi ya Elimu Chalinze

Imewekwa: July 6th, 2023

Naibu Katibu Mkuu Ofisi ya Rais TAMISEMI anayeshughulikia Elimu,Dkt. Charles Msonde amekagua miradi ya Elimu inayotekelezwa katika Halmashauri ya Wilaya ya Chalinze Mkoani Pwani,ukaguzi wa miradi hiyo umefanyika leo.

Naibu Katibu Mkuu amekagua Ujenzi wa Shule mpya ya Sekondari Msolwa iliyojengwa kwa fedha kutoka Serikali kuu jumla ya fedha za kitanzania Milioni 470,katika Ukaguzi wake aliipongeza Halmashauri ya Chalinze kwa usimamizi mzuri wa mradi huo kutokana na Ubora wa Majengo yalivyojengwa kwa kiwango cha juu.

Aidha Dkt Msonde alikagua pia Ujenzi wa Shule ya Msingi mpya I

iliyopo katika Kitongoji cha Bwilingu kata ya Bwilingu katika Mamlaka ya Mji mdogo wa Chalinze inayojengwa kupitia Mradi wa BOOST. Katika mradi huo Serikali ilileta jumla ya fedha za kitanzania Milioni 475.3.

Naibu Katibu Mkuu alifurahishwa na utekelezaji wa mradi huo kwani mpaka anakagua Majengo yote yalikauwa katika hatua za umaliziaji,aliipongeza Halmashauri ya Chalinze kwa umakini katika usimamizi wa miradi sanjari na walimu wa Shule ya Msingi Bwilingu “A” kwa umoja na ushirikiano walionao katika kazi.

“Kwa umoja mlionao Ni ishara tosha Mwalimu Mkuu wa Shule hii anatosha Hongera kwake na Hongera Walimu wote endeleeni na umoja huo.” Daktari Msonde alisema.

Kwa upande wake Naibu Waziri wa Nchi Ofisi ya Rais Menejimenti ya Utumishi na Utawala Bora,Mheshimiwa Ridhiwani Kikwete ameishukuru Serikali ya awamu ya sita chini ya Uongozi wa Dkt Samia Suluhu Hassan kwa kuwajali wanachalinze na watanzania kwa ujumla katika kuondoa changamoto ya msongamano wa watoto katika shule ya Msingi Bwilingu.

Naye Diwani wa Kata ya Bwilingu Mheshimiwa Nassa Karama kwa niaba ya wananchi wa Bwilingu allishukuru Serikali kwa kutatua changamoto iliyokuwa ikiwasumbua kwa muda mrefu ya msongamano wa wanafunzi katika Shule Mama ya Bwilingu na kuwasilisha ombi lake kwa Naibu Katibu Mkuu kwa kuomba Shule nyingine kwa ajili ya kupunguza msongamano wa wanafunzi katika Shule ya Msingi Mdaula.