Rais wa Jamhuri ya Muungano afanya Mabadiliko Baraza la Mawaziri

Imewekwa: October 4th, 2022

Rais wa Jamhuri ya Muungano wa Tanzania afanya Mabadiliko Baraza la Mawaziri

Rais wa Jamhuri ya Muungano wa Tanzania,Mheshimiwa Samia Suluhu Hassan jana amefanya mabadiliko madogo katika baraza lake la mawaziri kwa kuwabadilisha wizara mawaziri wawili na kuteua Waziri mpya mmoja.

Mheshimiwa Samia amefanya mabadiliko hayo kwa kumteua Mheshimiwa Innocent Bashungwa kuwa Waziri wa Ulinzi na Jeshi la Kujenga Taifa,na Dkt. Stergomena Tax ameteuliwa kuwa Waziri wa Mambo ya Nje na Ushirikiano wa Afrika Mashariki amechukua nafasi iliyokuwa ya Balozi Liberata Mulamula ambaye ametenguliwa.

Aidha Mheshimiwa Suluhu amemteua Mheshimiwa Angella Kairuki kuwa Mbunge wa kuteuliwa na akamteua pia kuwa Waziri wa Nchi Ofisi ya Rais Tawala za Mikoa na Serikali za Mitaa (TAMISEMI). Uteuzi wa viongozi hao wote watatu umeanza jana tarehe 03/10/2022 na wameapishwa jana tayari kwa kuanza majukumu yao.