Serikali yatoa milioni 700 kujenga kituo cha afya Kiwangwa

Imewekwa: November 8th, 2023

Diwani wa kata ya Kiwangwa Mhe Marota kwaga ametoa shukrani kwa Mhe Dk.Samia Suluhu Hassan kwa kusikiliza kilio cha Wananchi wa Kata ya Kiwangwa na kuwapatia jumla ya fedha za kitanzania milioni 700 kwa ajili ya Ujenzi wa kituo cha Afya kupitia Mradi wa Tasaf.

Akizungumza mbele ya Wananchi wa Kata hiyo wakati wa mkutano wa Hadhara uliofamyika katika ofisi za Kijiji tarehe 7 Novemba 2023 ametoa pongezi Pamoja na kusema kilio cha wananchi wa kata ya kiwangwa kilikuwa ni kupata kituo cha afya katika kata hiyo toka pale ambapo Mhe Rais alikuwa Makamu wa Rais wa Jamhuri ya Muungano wa Tanzania.

Pia Mhe Diwani amewaomba Wananchi wa kata ya kiwangwa kuendelea kuwa na Imani na viongozi wao Pamoja na kuwasemea mazuri kuanzia Mhe Rais,Mhe Mbunge wa Jimbo hilo Mhe Ridhiwani Kikwete kwani amefanya jitihada kubwa ya kuhakikisha fedha hizo za kituo cha afya zinapatikana na kupelekwa katika kata ya kiwangwa.

Naye Ndg.Abdul Marik Afisa miradi kutoka makao makuu Tasaf amesema kuwa ameshuhudia namna ambavyo wananchi wa kiwangwa walivyokuwa wanauhitaji wa kituo hicho cha afya na kuona utaratibu wote walioufanya wa kuchagua Kamati ambayo ndio itakuwa inasimamia ujenzi huo wa kituo cha afya huku akiwataka kuulinda mradi huo Pamoja na wananchi kuhakikisha wanatoa michango yao katika ujenzi wa mradi huo.

Mganga Mkuu wa Wilaya Halmashauri ya Wilaya ya Chalinze Dkt.Allen Mlekwa ametoa wito kwa wananchi wa kata hiyo kuhakikisha wanatoa ushirikiano pale tu mtu anapotaka kuhujumu mradi kwa kutaka kufanya wizi wa vifaa watoe taarifa mapema kwa vyombo husika ili hatua stahiki zichukuliwe.

Kwa upande wa wananchi wa Kata ya kiwangwa wametoa shukrani kwa serikali kwa kuwaletea pesa hizo kwa ajiili ya ujezi wa kituo cha afya kwani walikuwa na uhitaji mkubwa wa kituo hicho Pamoja na kusema kuwa watahakikisha kuwa wanaulinda mradi mpaka utakapo kamilika.

Kata ya Kiwangwa imepata fedha za ujenzi wa kituo cha afya kiasi cha shilngi milioni 700 ambapo fedha hzo zimetolewa na serikai kupitia mradi wa Tasaf kulingana na uhitaji wa kata hiyo.