Shirika la CAMFED latoa Vishikwambi kwa Shule za Shule za Sekondari Chalinze

Imewekwa: July 8th, 2022

CAMFED ni shirika lisilo la kiserikali linaloshughulika na Kampeni ya Elimu kwa Mtoto wa Kike(Campaign for Female Education).Shirika hili linashirikiana na Halmashauri ya Chalinze katika kutekeleza miradi mbalimbali inayolenga kuboresha mazingira ya kufundisha na kujifunza katika shule za Sekondari hasa kwa watoto wa kike.

Shirika la CAMFED limenunua simu(Vishikwambi) kwa kila shule iliyo kwenye mradi ili zirahisishe na kuongeza ufanisi katika ukusanyaji na ubadilishanaji wa taarifa za Maendeleo ya miradi.

Baada ya ununuzi wa simu hizo Shirika limekabidhi jumla ya simu 19 kwa Mkurugenzi wa Halmashauri,ambaye amekabidhi simu hizo kwa shule zote zilizopo katika mradi huo ambazo ni Mboga,Moreto,Kimange,Mdaula,Talawanda,Chalinze,Ubena,Vigwaza,Changalikwa,Kibindu,Matipwili,Kikaro,Kiwangwa,Lugoba,Msata,Mandera,Chahua,Chamakweza na Rupungwi.

Mkurugenzi Mtendaji akikabidhi Simu hizo kwa Wakuu wa Shule zilizo kwenye mradi aliwataka kuzitumia simu kwa mujibu wa malengo na makusudi ya mradi ili kuhakikisha kampeni ya Elimu kwa mtoto wa kike inafanikiwa.

“Nawashukuru CAMFED kwa kutupatia vitendea kazi hivi ili kampeni ya Elimu kwa mtoto wa kike ikawe endelevu,na walimu walezi wakavitumie vishikwambi hivi kwa uangalifu na kwa kadiri ya malengo ya mradi ya Livy on.”Mkurugenzi alisema.

Kwa Upande wake Afisa Elimu Sekondari Bi.Salama Ndyetabura aliwataka walimu kuendeleza kampeni ya mtoto wa kike ili kumkomboa kielimu kama yalivyo malengo ya shirika la CAMFED Tanzania.