Shirika la KINNAPA latambulisha mradi Chalinze

Imewekwa: September 16th, 2022

Shirika lisilokuwa la kiserikali la KINNAPA Development Programme lililoundwa na wananchi 5800 wa jamii za wafugaji,wakulima wadogo wadogo na wawindaji waokota matunda,shirika hili lilianzishwa mwaka 1990. Chi a kuu ya shirika hili ni kuchangia uboreshaji wa maisha ya wafugaji wa asili,wakulima wadogo wadogo na wawindaji waokota matunda wa Tanzania Bara huku likihakikisha kuwa kuna ushiriki wa jamii katika miradi ya Maendeleo,usawa wa kijinsia,matakwa ya sera na Sheria za Tanzania pamoja na usimamizi endelevu wa rasilimali.

Shirika hili limetoa mafunzo na kutambulisha mradi utakaotekelezwa katika Halmashauri ya Chalinze kwa waheshimiwa Madiwani na wakuu wa Idara na Vitengo na kueleza vipau mbele vya shirika katika Halmashauri ya Chalinze,akieleza vipaumbele vya shirika hilo Mkurugenzi wa Shirika hilo Bwana, Abraham Akilimali alieleza kuwa KINNAPA Imejikita katika kufanya shughuli zake katika vipaumbele sita ambavyo Maji,na Usafi wa Mazingira,Huduma za kiafya,Maendeleo ya Mifugo na Kilimo,Usimamizi wa Ardhi,Elimu pamoja na uendelezaji wa Shirika.

Akizungumza na washiriki wa warsha hiyo Mkurugenzi wa KINNAPA alieleza mafanikio ambayo yamefikiwa na shirika hilo na jinsi ambavyo shirika limewafikia wananchi zaidi ya 200,000 katika utekelezaji wa shughuli zake.

“KINNAPA Tumewahi kuwa na miradi katika vijiji 63 vya wilaya ya Kiteto,vijiji na mitaa 87 katika wilaya ya Simanjiro,pia tumetekeleza miradi katika wilaya za Serengeti na Bunda Mkoani Mara,Kilindi na Handeni Mkoani Tanga,Mvomero Mkoani Morogoro,Chemba na Kondoa Mkoani Dodoma ,Hanang’,Mbulu na Babati Mkoani Manyara,Kishapu mkoa wa Shinyanga na Meatu Mkoa wa Simiyu na kufanya shughuli mbalimbali za kijamii kama Elimu juu haki za ardhi,usimamizi bora wa Ardhi,mipango na matumizi bora ya Ardhi pamoja na usimamizi wa rasilimali. limali.”Mkurugenzi wa KINNAPA alisema.

Naye Mwenyekiti wa Halmashauri ya Chalinze Mheshimiwa Hassani Mwinyikondo kwa niaba ya wanawarsha aliwashukuru viongozi wa shirika la KINNAPA kwa maamuzi ya kuja kufanya kazi na wanachalinze na kuahidi kuwapa ushirikiano wa hali ya juu katika utekelezaji wa miradi mbalimbali waliyokusudia kuitekeleza kwa mujibu wa mpango kazi wao.

“ Kwa niaba ya Madiwani wenzangu na Halmashauri kwa ujumla tumekubali kuwapokea na kufanya kazi nanyi,tunawaomba mkashirikiane na wananchi katika kuwawezesha kupitia mafunzo mliyoyaandaa ili malengo yenu kama shirika yakaweze kufikiwa kama mlivyokusudia.” Mwinyikondo alisema.

Kwa upande wake Afisa Mifugo na Uvuvi wa Halmashauri Bwana Msongo Msongolo ameahidi kutoa ushirikiano kwa shirika la KINNAPA katika utekelezaji utekelezaji wa miradi mbalimbali itakayokuwa imeainishwa.