Tekelezeni Majukumu kwa mujibu wa miongozo ya lishe

Imewekwa: March 1st, 2023

Mkurugenzi wa Halmashauri ya Wilaya ya Chalinze Bwana Ramadhani Possi,ambaye pia ni Mwenyekiti wa Kamati ya Lishe ya Halmashauri amewataka wakuu wa Idara na Vitengo ambao ni wajumbe wa kamati Halmashauri ya Chalinze kutekeleza majukumu yao kwa kuzingatia miongozo ya lishe.

Wito huo ameutoa leo katika kikao cha kamati ya lishe wilaya kwa robo ya pili ya mwaka 2022/2023 kilicho katika Ukumbi wa Masafa wa Halmashauri ya wilaya ya Chalinze na kuhudhuriwa na wajumbe wote kwa mujibu wa mwongozo wa lishe.

Wakuu wa Idara wakiwasilisha taarifa zao za utekelezaji kwa robo ya pili,Mwenyekiti wa kikao aliwataka wajumbe kuchukua hatua za haraka katika kuhakikisha wanafunzi wote wa Shule zaMsingi zipatazo 108 wanapata chakula cha mchana shuleni hali itakayowafanya wanafunzi katika Halmashauri ya Chalinze kuinua kiwango cha ufaulu na kupambana na utapia moo unaoweza kusababishwa na lishe duni.

Aidha wajumbe kwa pamoja walikubaliana kutoa Elimu kwa umma ili dhana halisi ya lishe iweze kutekelezwa kwa vitendo katika Halmashauri ya Wilaya ya Chalinze sanjari na kutoa Elimu ya ujasiriamali kama mpango wa muda mrefu katika kuboresha suala zima la lishe shuleni na wananchi kwa ujumla.