TEMESA yatakiwa kutekeleza majukumu yake kwa kuwashirikisha wananchi

Imewekwa: March 3rd, 2023

TEMESA YATAKIWA KUTEKELEZA MAJUKUMU YAO KWA KUWASHIRIKISHA WANANCHI 

Mkuu wa mkoa wa Pwani Mheshimiwa Abubakari Kunenge ambaye pia ni mwenyekiti wa Bodi ya Barabara ya Mkoa wa Pwani amewataka TEMESA na Taasisi zingine zilizo ndani ya mkoa wa Pwani kuwashirikisha wadau tumizi au wananchi na mkoa ili kujua kinachofanyika kama kitajibu kero na mahitaji ya wananchi.

“ Mheshimiwa Dkt Samia Suluhu Hassan akifungua Kikao cha Mawaziri na Makatibu Wakuu ametaka tuwe msitari wa mbele katika kuyasema mazuri yote yanayofanywa na Serikali na kutoa ufafanuzi juu ya upotoshaji unaoweza kujitokeza kwa wakati,hivyo Taasisi zote zinazotekeleza miradi ndani ya Mkoa wa Pwani sharti ziwasiliwane na wananchi.” Kunenge alisema.

Wananchi washirikishwe kabla ya utekelezaji wa miradi sanjari na kuwafahamisha wananchi kuhusu jitihada zinazofanywa na Serikali katika utatuzi wa kero mbalimbali zinazowakabili katika mazingira yao.

Hoja ya kutoshirikishwa kwa wananchi katika utekelezaji wa miradi ya Serikali iliibuka pale Meneja wa TEMESA Alipowasilisha namna Serikali inavyochukua hatua katika kutatua kero ya usafiri kwa wananchi wa wilaya ya Mafia.

Meneja alisema Serikali inampango wa kujenga kivuko kitakachowasaidia Wananchi wa Mafia kuwa na uhakika wa usafiri.