Twendeni tukawasaidie Wananchi-Mwinyikondo

Imewekwa: May 6th, 2023

Mwenyekiti wa Halmashauri ya Wilaya ya Chalinze Mhe.Hassan Mwinyikondo amewataka watendaji wa Kata,Vijiji na Vitongoji Pamoja na Wenyeviti wa Vijiji kuhakikisha wanawasaidia wananchi wa Halmashauri ya Wilaya ya Chalinze katika kutatua shida na kusikiliza mawazo wanayoyatoa wananchi.

Ameyasema hayo hii Leo wakati wa Kikao kazi cha kujadili Hali ya ukusanyaji wa mapato na mapokezi ya Mbio za Mwenge wa Uhuru 2023bkatika Halmashauri ya Wilayaya Chalinze.

"Niwaombe Wenyeviti na Watendaji mkahakikishe kuwa mnakwenda kuwasaidia wananchi katika kutatua suala la migogoro yao hasa katika migogoro ya Ardhi  na kwa kufanya hivyo ni kuisaidia Halmashauri ya Chalinze na Serikali ya Jamhuri ya Muungano wa Tanzania kwa wananchi wake"Amesema Mhe.Mwinyikondo.

Aidha kwa upande mwingine Mhe.Mwinyikondo amewataka viongozi hao wa ngazi ya Kata na Vijiji kuwa mstari wa mbele katika kuhakikisha wanaziba mianya ya upotevu wa mapato katika vyanzo na kuhakikisha kunakuwa na ongezeko la mapato kwani ni desturi kwa Halmashauri ya Wilaya ya Chalinze.

Nae Mkurugenzi Mtendaji wa Halmashauri ya Wilaya ya Chalinze Ndg.Ramadhan Possi amebainisha kuwa Kikao hicho ni muhimu kwani huwa kinakuwepo kila baada ya miezi mitatu na lengo lake kuwa ni kuona Changamoto za ukusanyaji wa mapato na kujadiliana ni kwa namna gani Changamoto hizo zinaweza kutatuliwa kwa wakati ili kuweza kuongeza mapato katika Halmashauri ya Wilaya ya Chalinze.

Hata hivyo katika ajenda nyingine ya Mwenge wa Uhuru 2023 Mratibu wa Mbio za Mwenge wa Uhuru wa Halmashauri  Ndg. John Mlyambate aliwasihi wajumbe wa Kikao hicho kushiriki kikamilifu katika kufanikisha mapokezi ya mbio za Mwenge wa uhuru kwa kuzingatia itifaki ya Mwenge na vigezo vya mashindano kutokana na mwongozo wa mwaka 2023.