Wajawazito waaswa kupima afya zao kabla ya ujauzito kufikisha wiki 12

Imewekwa: July 8th, 2024

Wakina mama wajawazito wameaswa  kuwa na utaratibu wa kupima afya zao kabla ya  ujauzito haujafikisha  wiki 12(miezi mitatu)ili waweze kulinda na kuokoa afya ya mama na mtoto anaetarajiwa kuzaliwa  asipatwe na maambukizi ya Virusi Vya UKIMWI. Pia amewashauri wakina  mama hao kuweka jitihada katika  kuwashawishi wenza wao  kwenda kupima pamoja pindi wanapo kwenda kuhudhuria kliniki.

Hayo yamesemwa na  Mratibu wa huduma za UKIMWI ,homa ya ini na magonjwa ya zinaa Dr Isaack Mukungu  leo Julai 6,2024 alipokuwa akifanya mahojiano na  kituo cha Chalinze fm kwenye kipindi cha Afya ni Mtaji kinachoruka kila jumamosi kuanzia saa saba na nusu mchana hadi saa tisa alasiri.

Akizitaja dalili kuu za UKIMWI kwa watoto wachanga ni  kutokuwa na ukuaji mzuri,pia kupata changamoto za maambukizi ya kifua kujirudia mara kwa mara.

Aidha  Dkt Isaack amezitaja takwimu za mwaka 2024 kwa Halmashauri ya Chalinze kuwa jumla ya wanawake  347 waliojitokeza  kupima UKIMWI na kugundulika  wanaishi na maambukizi ya VVU wananyonyesha na tayari wameanza kutumia dawa.Hali kadhalika  jumla ya  wajawazito 105 wamejitokeza kupima na wanaishi na maambukizi  wameanza kutumia dawa.

Kwa upande wa Shirika la Afya WHO takwimu kwa  mwaka 2024 zinaonesha nusu ya watoto wanaozaliwa na maambukizi ya virusi vya ukimwi hupoteza maisha  kabla hawafikisha  miaka miwili endapo hawatotumia dawa.Huku lengo la shirika hilo ifikapo 2030 kutokuwa na maambukizi mapya ya wagonjwa wa UKIMWI.