Wanafunzi wa Shule ya Msingi Gongo wapatiwa Baiskeli

Imewekwa: February 29th, 2020

Shirika linalojishughulisha na uhifadhi na utunzaji wa mazingira(Savings Africa’s Nature)la kijiji cha Gongo Kata ya Mkange,Halmashauri ya Chalinze lenye makao yake makuu Jijini Dar es salaam,limetoa msaada wa baiskeli 35 kwa wanafunzi wa shule ya msingi Gongo iliyopo kata ya Mkange,msaada huo umetolewa kwa wanafunzi wanaotoka umbali wa kilometa zaidi ya kumi kuja kusoma shuleni hapo..

Wanafunzi hao wamekuwa wakifika shuleni kwa shida kutokana na wazazi wao kuishi kitongoji cha Tumbili kitongoji ambacho kiko umbali wa kilomita zaidi ya kumi ili kufika Gongo shule ya msingi.

Mwalimu Mkuu wa shule hiyo Mwalimu Jeremiah Anthony Tito katika kupambana na changamoto iliyokuwa ikiwakabili wanafunzi wake alizungumza na uongozi wa shirika la uhifadhi na utunzaji mazingira ili wanafunzi hao waweze kupatiwa baiskeli ili kuwawezesha kuwahi masomo kwa wakati.

Mwalimu Tito akitoa ufafanuzi wa namna shirika lilivyoweza kujitoa ana sema,niliandika barua ya kuomba msaada kwa wafadhiri hao nikieleza changamoto za umbali wa mahali wanapoishi wanafunzi na shuleni. Uongozi wa shirika ulipokea maombi yangu nakuahidi kuyafanyia kazi.

Anaemdelea kusema shirika la Saving Afirica’s Nature hatimaye liliweza kupata jumla ya baiskeli 35 ambazo zimegawiwa kwa wanafunzi wapatao 25 baiskeli 10 bado zinafanyiwa marekebisho pindi zikikamilika nazo watagawiwa walengwa,pamoja na mgawanyo wa baiskeli hizo Kamati ya shule na Halmashauri ya kijiji cha Gongo zimeweka kanuni za namna ya matumizi ya baiskeli hizo.

Halmashauri ya kijiji inatakiwa kuhakikisha kwamba baiskeli hizo zinatumika kwa matumizi ya mwanafunzi kwenda shule na si vinginevyo,baiskeli hizo zitafanyiwa matengezo na shirika kila baada ya Miezi mitatu kwa matengenezo madogadogo mzazi atahusika moja kwa moja.

Aidha baiskeli hizo wanafunzi watazitumi hadi watakapo kamilisha masomo yao baada ya hapo watazirejesha shuleni na kupatiwa wanafunzi wengine, isipokuwa kwa mwanafunzi atakayemaliza masomo yake ya darasa la Saba na kupata ufaulu wa wastani wa alama “B” atabaki nayo kama zawadi yake na utaratibu huu utatumika kama motisha kwa wanafunzi kuongeza bidii katika masomo.

Katika hafla ya makabidhiano mmoja wa wanafunzi walinufaika na usafiri  aitwaye Rajabu Shabani alilishukuru shirika kwa niaba ya wanafunzi wenzake na kuahidi kusoma kwa bidii na kufika shuleni kwa wakati ili kuendelea na masomo pasipo kuchelewa.

Naye Afisa Elimu Msingi wa Halmashauri ya Chalinze Bi. Zainabu Juma Makwinya alilishukuru shirika la Saving Africa’s Nature kwa juhudi za makusudi za kuunga mkono serikali katika utoaji wa Elimu katika halmashauri ya Chalinze na kuwaomba wadau wengine kushiriki katika kuboresha miundombinu ya Elimu kwani uhitaji bado ni mkubwa katika sekta ya Elimu

Kwa upande wake mwakilishi wa shirika la Saving Africa’s Nature alisisitiza na kuwataka wazazi ,walimu na halmashauri ya kijiji wanasimamia matumizi sahihi ya baiskeli hizo ili kufikiwa malengo ya msaada huo kwa wanafunzi.