Wananchi wahamasishwa kuwa na utaratibu wa kuwapa Maziwa Watoto katika kipindi chote cha ukuaji ili kuwasaidia kukukua vizuri kiakili na kuwa na afya njema

Imewekwa: December 3rd, 2025

Leo, Desemba 3, 2025, Afisa Mifugo na Mratibu wa Dawati la Maziwa, Agripina Silau, ametembelea vituo vya afya vya Bwilingu, Lugoba, Msata na Miono. Katika ziara yake amewashauri Wananchi kuhakikisha wanaweka utaratibu wa kuwapa watoto maziwa  ikiwa ni maziwa ya mama au maziwa ya ng’ombe na mbuzi  katika kipindi chote cha ukuaji wa mtoto, ili kuwasaidia kukua vizuri kimwili, kiakili na kuwa na afya njema.

Katika mazungumzo na baadhi ya Wagonjwa waliofika kwenye vituo hivyo vya afya, Agripina Silau amewataka wazazi na walezi kufuga Ng’ombe au Mbuzi ili waweze kuwa na maziwa ya kutosha na kuweza kuwapatia Watoto Nyumbani.

Aidha, Afisa Lishe wa Halmashauri ya Chalinze, Lucas Eliakim Mollel, amewashauri Wazazi kuhusu umuhimu wa unyonyeshaji na lishe sahihi za Watoto. Ameeleza kwamba Mtoto anapaswa kunyonyeshwa maziwa ya Mama pekee hadi Miezi ita, na kisha kuendelea kunyonyeshwa pamoja na kuanza kula lishe ya ziada.

Ikumbukwe kuwa maziwa hasa ya mama  ni muhimu kwa afya ya mtoto kwani hutoa virutubisho vyote muhimu katika miezi ya mwanzo, na pia husaidia ukuaji wa ubongo, mifupa, kinga ya mwili na ukuaji mzima wa mtoto “amesema afisa lishe”.