Waratibu wa Afya ya mama na Mtoto waanza mafunzo ya kuratibu undeshaji wa huduma ya Saratani ya mlango wa Kizazi.

Imewekwa: August 1st, 2022

Waratibu wa Afya ya mama na Mtoto kutoka  Wilaya za Mkoa wa Pwani hii leo wameanza kikao maalum cha mafunzo ya kuratibu undeshaji wa huduma ya Saratani ya mlango wa Kizazi Katika Ukumbi wa Halmashauri ya Wilaya ya Chalinze.

Akizungumza hii leo mratibu wa Kikao hiko Dkt. Safina Yuma kutoka Wizara ya Afya amesema kuwa lengo la Kikao hicho ni namna ya kuratibu uenndeshaji wa  huduma ya saratani ya mlango wa kizazi ambapo mara  nyingi pia huratibiwa kitaifa pamoja na kupanga mikakati kwa Mkoa wa Pwani na Vipaumbele katika kuzuia saratani ya mlango wa kizazi .

“Kikao hiki  ni cha kuratibu uendeshaji wa huduma za saratani ya mlango wa kizazi na huduma hii huratibiwa kitaifa kwa lengo la kuchunguza saratani kabla ya saratani haijawa saratani ndio maana siku za karibuni hapa nyuma kulikuwa na kongamano la Kitaifa la kisayansi linalohusu saratani  linaonesha kuwa Tanzania tunaongoza kwa  saratani na kuwa na vifo vingi vinavyoongozwa na wanawake na kwa  kukutana kwao kutasaidia kuweka mikakati kwa Mkoa wa Pwani ni vipi vipaumbele na chanagamoto katika kuzuia Saratani na hatimae kutoa Matokea ya mwaka kwa kila robo au mwisho wa Mwaka.”Amesema Dkt.Safina.

Hata hivyo amempongeza  Mkurugenzi Mtendaji wa Halamashauri ya Chalinze kwa kushiriki katika kikao hicho kwani itasaidia kufahamu vipaumbele vya kuzuia Saratani pamoja na kuandaa taarifa za tathimini kwenye vikao.

Aidha Mkurugenzi Mtendaji wa Halmashauri ya Wilaya ya Chalinze Ndg.Ramadhani Possi  ambae pia ndiye alikuwa mgeni rasmi katika ufunguzi wa Kikao hicho cha Mafunzo amewakaribisha na kuwapongeza katika kufanya kikao cha mafunzo hayo muhimu ya Uendeshaji wa huduma ya saratani ya mlango wa kizazi.

“Kwanza niwaribishe katika Halmashauri yetu ya Chalinze lakini pia niwapongeze kwa mafunzo haya muhimu ya uendeshaji wa wa huduma ya saratani ya mlango wa kizazi kwa kina mama na nikushukuru Dkt.Safina kwa mafunzo haya na ninaomba mafunzo haya yawe endelevu kwani ni mafunzo muhimu sana.” Amesema Ndg.Possi.

Kikao hicho cha Mafunzo ya uendeshaji wa huduma ya saratani ya mlango wa kizazi ni cha siku mbili ambapo kimeanza leo tarehe 0 1/08/2022 mpaka 02/08/2022 na kimejumuisha waratibu wa afya ya mama na mtoto katika Mkoa na Wilaya zote za Mkoa wa Pwani pamoja na taasisi ya Thps.