Watumishi wapya wafundwa Chalinze

Imewekwa: August 31st, 2022

Halmashauri ya Wilaya ya Chalinze kupitia Idara ya Utumishi imefanya kikao maalum kwa ajili ya kuwapa maelekezo ili waweze kujua mambo ya msingi ya Utumishi wa umma kwa mara ya kwanza tangu kuajiriwa kwao katika Halmashauri ya Chalinze.

Akizungumza mara baada ya Kikao hicho Mkuu wa Idara ya Utumishi na Utawala wa Halmashauri ya Wilaya ya Chalinze Ndg. Kilaja Archanus ameishukuru Serikali ya awamu ya sita inayoongozwa na Mhe. Samia Suluhu Hassan kwa kuipatia Halmashauri watumishi katika kada mbalibali ili kuongeza ufanisi katika kuisaidia  serikali pamoja na kuelezea lengo la kikao hicho.

“Kwanza napenda kuishukuru Serikali kwa kutuwezesha watumishi hawa kwani watakwenda kuboresha utendaji ndani ya Halmashauri katika maeneo tofauti na Taifa kwa ujumla na pia kikao cha leo kimelen ga kuwaelekeza mambo ya msingi ikiwa wao ni mara ya kwanza kuingia katika utumishi”. Amesema Ndg. Kilaja

Hata hivyo Afisa Utuishi huyo ameyataja baadhi ya mambo muhimu aliyoyaeleza kwa watumishi hao wapya wa ajira mpya ikiwa ni pamoja na kujua stahiki zao mbalimbali ikijumuisha stahiki za likizo,uhamisho kuthibitishwa katika utumishi wao na kupandishwa vyeo pamoja na masuala ya uadilifu na utiifu kwa Serikali ya Jamhuri ya Muungano wa Tanzania pamoja na Chama Cha Mapinduzi kwa maana ndio chama kinachoongoza dola.

Aidha Ndg. Kilaja ameendelea kwa kusema kuwa

“Tumeelewana na tumeweka malengo ya pamoja na wameahidi kwenda kuteleleza yale yote yanayostahili na yale yote Serikali ina Imani nayo kwao kama watumishi ili kuiletea Chalinze maendeleo.”Aliongeza 

Kikao hicho kimejumuisha watumishi wa ajira mpya ambao ni Madereva 8,Watendaji wa vijiji 4 pamoja na Makatibu mahsusi 4 isipokuwa wa kada ya Afya.

Watumishi wapya wakipata maelekezo ya utendaji kazi kutoka kwa Afisa Utumishi wa Halmashauri ya Wilaya