Waziri TAMISEMI Mhe. Ummy Mwalimu aipongeza Halmashauri ya Chalinze.

Imewekwa: September 25th, 2021

Waziri Ofisi ya Rais TAMISEMI Mhe. Ummy Mwalimu ameipongeza Halmashauri ya Wilaya ya Chalinze kwa kusimamia vyema miradi mbaliombali inayoendelea kutekelezwa na iliyotekelezwa katika Halmashauri ya Wilaya ya Chalinze.

Mheshimiwa Waziri ameyasema hayo leo kwenye ziara yake katika Halmashauri ya Wilaya ya Chalinze  alipokwenda kuweka jiwe la msingi katika soko kuu la Bwilingu-Chalinze, ambapo alisema,

“ Ninawapongeza na nafurahishwa sana Halamshauri ya Wilaya ya Chalinze, pongezi kwa mwenyekiti wa Halmashauri, Mbunge, Mkurugenzi Mtendaji na Watendaji kwa kusimamia vyema fedha za miradi iliyopo Chalinze kwani miradi mingi imekidhi thamani na licha ya Milioni 700 ambazo zimejenga soko hili na ujenzi wa ofisi za makao makuu ya Halmashauri ya Wilaya ya Chalinze ambao uligharimu Bilioni 1.1 pia kama ilivyoelezwa na mkuu wa Wilaya ya Bagamoyo kuwa Halmashauri imenunua taa 80 ambazo zimewekwa katika maeneo ya Chalinze ambapo miradi yote hiyo inagharamiwa na fedha za ndani”. Alisema Mhe. Ummy Mwalimu.

Aidha Mheshimiwa Waziri amempongeza Mkurugenzi Mtendaji wa Halmashauri ya Wilaya ya Chalinze Ndg. Ramadhan Possi kwa kufanya kazi vyema kwa kushirikiana na watendaji Mbunge na madiwani katika kuleta maendeleo Chalinze.

“ Ujumbe huu uwafikie wakurungenzi wote nchini Tanzania kuwa Halmashauri ya Wilaya ya Chalinze sambamba na milioni 700 zilizowekwa kenye soko hili pia Halmashauri imekusudia  kutumia  milioni 523 kwaajili ya kujenga kituo cha mabasi Chalinze, na kwenye hili nimpongeze Ndg Ramadhani Possi kwa kufanya kazi nzuri hapa Chalinze kwa utendaji wake na ushirikiano kwa Mbunge, watendaji na madiwani”. Aliongeza

Vile vile Mhe . Ummy Mwalimu alimalizia kwa kuwaasa Wakurugenzi Watendaji wengine nchini kujifunza kazi kubwa na nzuri ambayo inafanywa na Halmashauri ya Chalinze.

“Serikali kupitia Ofisi ya Rais TAMISEMI ilileta Bilioni 1 katika Halmashauri ya Wilaya ya Chalinze  kwaajili ya ujenzi wa majengo matatu ila kwasababau ya ubunifu na uchapakazi walijenga majengo 5 hivyo Niwaombe wakurungenzi Watendaji nchini waje wajifunze kazi kubwa na nzuri ambyo inafanywa lakini pia wajifunze ushirikiano uliopo Halmashauri ya Chalinze” kujifunza katika Halmashauri ya Wilaya ya Chalinze

Ziara hiyo ya Waziri Ofisi ya Rais TAMISEMI imelenga kutembelea sehemu mbalimbali za miradi , kuweka jiwe la msingi katika soko jipya la Bwilingi-Chalinze na kusikiliza kero za wananchi ili kuzipatia ufumbuzi.